جاڭا وقۋ جىلىنا ساناۋلى كۇندەر قالدى. وبلىس  اكىمى ب.اتامقۇلوۆتىڭ باسشىلىعىمەن 13 تامىز كۇنى وتكەن ماجىلىستە وبلىستىق اكىمدىك تاراپىنان اۋدان، قالا باسشىلارىنا الداعى جاڭا وقۋ جىلىنا قاتىستى دايىندىقتى پىسىقتاۋ ءۇشىن ءبىرقاتار تاپسىرمالار بەرىلىپ، اتقارىلاتىن جۇمىستاردىڭ اۋقىمى انىقتالعان بولاتىن. اتالعان ماجىلىستە ءبىلىم سالاسىنا جەتەكشىلىك جاسايتىن جاۋاپتىلارعا ناقتىلى مىندەتتەر جۇكتەلدى. وسىعان وراي وڭتۇستىك قازاقستان وبلىسى اكىمىنىڭ ورىنباسارى ەرلان ايتاحانوۆتىڭ توراعالىعىمەن ارنايى سەلەكتورلىق ءماجىلىس ءوتتى. جيىنعا ءبىلىم، جاستار ساياساتى جانە تىلدەردى دامىتۋ باسقارماسىنىڭ قىزمەتكەرلەرى مەن وبلىس اكىمى اپپاراتىنىڭ ماماندارى جانە اۋدان، قالا اكىمدەرىنىڭ سالاعا جەتەكشىلىك ەتەتىن ورىنباسارلارى، ءبىلىم ءبولىمىنىڭ باسشىلارى مەن جاۋاپتى ماماندارى قاتىستى. ماقسات وبلىس اكىمى بەرگەن تاپسىرمالارىنىڭ ورىندالۋ بارىسىن تاعىدا پىسىقتاۋ. 

    كۇن تارتىبىندە وقۋشىلاردى وقۋلىقتارمەن قامتاماسىز ەتۋ، ءبىلىم نىساندارىنداعى اعىمداعى جانە كۇردەلى جوندەۋ جۇمىستارىنىڭ بارىسى، شالعايداعى ەلدى مەكەندە تۇراتىن وقۋشىلاردى مەكتەپتەرگە تاسىمالداۋ، الداعى جىلۋ بەرۋ ماۋسىمىنا ءبىلىم مەكەمەلەرىنىڭ دايىندىعى سىندى وزەكتى ماسەلەلەر قارالىپ، سارالاندى. 

الدىمەن سوزاق اۋدانى اكىمىنىڭ ورىنباسارى ساۋلە ەدەنبايەۆا 1-سىنىپقا قاجەتتى ادىستەمەلىك قۇرالداردان وزگە وقۋلىقتارمەن قامتۋ كورسەتكىشىنىڭ 100 پايىزعا جەتكەنىن مالىمدەپ، بۇل باعىتتاعى جۇمىستار 21 تامىزدا تولىقتاي اياقتالاتىنىن باياندادى.  بۇگىنگە دەيىن تەرىسكەيدەگى ءبىلىم بەرۋ مەكەمەلەرىنە قاجەتتى قاتتى وتىننىڭ 57 پايىزى جەتكىزىلگەن، وقۋشىلاردى مەكتەپتەرگە تاسىمالداۋ ءۇشىن قاۋلى قابىلدانىپ، قارجى قارالعان.  

            ال، ورداباسى اۋدانى 17 تامىزعا دەيىن 64 مەكتەپكە قاجەتتى وقۋلىقتاردىڭ 78 پايىزىن الىپ ۇلگەرگەن. بۇل جۇمىستاردىڭ 25 تامىزعا دەيىن تولىق اياقتالاتىنىن حابارلاعان اۋدان اكىمىنىڭ ورىنباسارى الدىبەك سادىرمەك 11 مەكتەپكە 990 وقۋشىنى تاسىمالداۋ ءۇشىن كەلىسىمشارتتاردىڭ تۇزىلگەنىن ايتتى. ءوز كەزەگىندە ورداباسىداعى قىزىلسەڭگىر اۋىلىندا تۇراتىن 32 وقۋشىنى مەكتەپكە تاسىمالداۋ جايىنا ەرەكشە توقتالعان ەرلان قۋانىش ۇلى وسى باعىتتا اتقارىلعان جۇمىستارعا تەرەڭىنەن تالداۋ جاساپ، ناتيجەسىن جازباشا بايانداۋدى جۇكتەدى. 

            كەنتاۋ قالالىق ءبىلىم ءبولىمى وقۋلىقتارمەن قامتۋ ءۇشىن 8 باسپامەن ءوزارا كەلىسىمشارت جاساسقان. وقۋشىلاردى تاسىمالداۋدا وزەكتى ماسەلە جوق. جىلۋ ماۋسىمىنا دايىندىق جۇمىستارى جوسپارعا ساي جۇرۋدە. 44 ءبىلىم نىسانىنىڭ 32ء-سى ورتالىق جىلۋ جۇيەلەرىنە قوسىلعان. تۇركىستانداعى قويماداعى قاتتى وتىن كەنتاۋداعى ءبىلىم ۇيالارىنا جەتكىزىلۋدە. 

بايدىبەك اۋدانىنداعى ءبىلىم مەكەمەلەرى الداعى جىلۋ ماۋسىمىنا ساقاداي ساي. جىلۋ جۇيەلەرىنە ءتيىستى سىعىمداۋ جۇمىستارى جۇرگىزىلىپ، قاجەتتى وتىن الىنعان. ال، تۇلكىباستا جەتكىزىلگەن وقۋلىقتاردى تاراتۋ جۇمىستارى قارقىندى جۇرۋدە. اۋداندا قاتتى وتىن ماسەلەسى تولىق شەشىلگەن. 

سارىاعاشتاعى 142 ءبىلىم مەكەمەسى وقۋشىلاردى قابىلداۋعا دايىن. قاجەتتى وقۋلىقتار باسپالاردان الىنىپ، جاۋاپتى مامانداردىڭ جولباستاۋىمەن جولدا كەلە جاتىر. 6 مەكتەپتە جۇرگىزىلگەن كۇردەلى جوندەۋ جۇمىستارى اياقتالىپ، بۇگىندە مەملەكەتتىك قابىلداۋ جۇمىستارى جۇرۋدە. كومىر مەكتەپتەرگە جەتكىزىلىپ بەرىلگەن. وقۋشىلاردى تاسىمالداۋعا قازىنادان  قارجى قاراستىرىلعان. 

            سايرامدا تاسىمالداۋدى قاجەت ەتەتىن وقۋشىلاردى مەكتەپكە اپارىپ-اكەلۋ ماقساتىندا جەكە كومپانيامەن كەلىسىمشارت تۇزىلگەن. اۋدانعا جەتكىزىلگەن وقۋلىقتار مەن ادىستەمەلىك قۇرالداردى مەكتەپتەرگە تاراتۋ جۇمىستارى اتقارىلۋدا. 84 ءبىلىم نىسانىن جىلىتۋ ءۇشىن سۇيىق جانە قاتتى وتىن الىنعان. اۋداندا كۇردەلى جوندەلىپ جاتقان ءۇش مەكتەپتىڭ ەكەۋىندەگى جوندەۋ جۇمىستارى جوسپارعا ساي كەلەر جىلى جالعاسادى. ال ءبىر مەكتەپتەگى جوندەۋ تولىعىمەن بىتكەن. 

            تولە بي اۋدانىنداعى ءبىلىم وشاقتارىنا قاتتى وتىندى تاسىمالداۋ جۇمىستارى 20 تامىزدا اياقتالادى. بۇگىندە قاجەتتى وتىننىڭ 87 پايىزى مەكتەپتەرگە جەتكىزىلگەن. وتىرار اۋدانى بۇگىنگە دەيىن وقۋلىقتاردىڭ 64،3 پايىزىن العان. جاۋاپتى ماماندار 7 باسپامەن بىرلەسە جۇمىس جاساۋدا. 6 ءبىلىم بەرۋ نىسانى كۇردەلى جوندەلگەن بۇگىندە مەملەكەتتىك قابىلداۋ ءجۇرىپ جاتىر. جالپى وقۋلىقتار ماسەلەسى مەن ءبىلىم نىساندارىنىڭ الداعى وقۋ جىلىنا دايىندىعى وتىراردا كەلەر سەيسەنبىدە ءوز شەشىمىن تاپپاق. تەمىرجولشىلار قالاسى اتانعان ارىستاعى الداعى جاڭا وقۋ جىلىنا دايىندىق شارالارىن  وسى ءبىر اپتا ىشىندە اياقتاۋ جوسپارلانىپ وتىر. 

    تۇركىستان قالاسى مەن ماقتارال، قازىعۇرت اۋداندارىنداعى اتقارىلعان شارالاردى بايانداعان جاۋاپتىلار جوسپار بويىنشا جۇمىستاردىڭ اتقارىلىپ جاتقانىن حابارلادى. ەرلان ايتاحانوۆ اتالعان قالا، اۋداندارداعى وقۋشىلار تاسىمالى تۋرالى وبلىستىق ءبىلىم، جاستار ساياساتى جانە تىلدەردى دامىتۋ باسقارماسىمەن بىرلەسىپ، تياناقتى تالداۋ جاساپ، ناتيجەسىن مالىمدەۋدى جۇكتەدى. شارداراداعى جاۋاپتىلاردىڭ جايباسارلىعىن سىنعا العان وبلىس اكىمىنىڭ ورىنباسارى باسپالار تاراپىنان ازىرلەنگەن 58 مىڭنان استام وقۋلىقتى شۇعىل ارادا اۋدانعا جەتكىزۋ ءۇشىن ءبىلىم ءبولىمى مەڭگەرۋشىسىن شۇعىل الماتىعا اتتاندىرۋدى اۋدان اكىمىنىڭ ورىنباسارى باقتىباي الىپوۆكە تاپسىردى.

            سەلەكتورلىق ءماجىلىستى قورىتىندىلاعان ەرلان قۋانىش ۇلى الداعى جاڭا وقۋ جىلىنا دايىندىق بارىسى وبلىس اكىمىنىڭ ءجىتى باقىلاۋىندا تۇرعانىن حابارلاپ، بارلىق جۇمىستاردى 25 تامىزدا اياقتاۋدى مىندەتتەدى. باسپالاردان شىققان وقۋلىقتاردى شۇعىل تۇردە وڭىرگە جەتكىزۋ، مەكتەپتەرگە تاراتۋعا قاتىستى الدا اتقارار شارالاردى ايقىنداپ، جاۋاپتى تۇلعالارعا ناقتىلى تاپسىرمالار جۇكتەدى. سونداي-اق، اۋدان، قالالاردىڭ وقۋ جىلىنا  دايىندىعى تۋرالى كۇندەلىكتى تالدامالىق اقپار ازىرلەپ، ۇسىنۋدى مىندەتتەدى.  

وقو اكىمى اپپاراتىنىڭ

باسپا ءسوز قىزمەتى