جاقىندا الماتىدا «كۇنشۋاق KZ» كوپشىلىك قورىنىڭ پرەزيدەنتى سۆەتلانا ۆلاديميروۆنا كوۆالەروۆانىڭ جانە الماتى قالالىق وقۋشىلار سارايىنىڭ ۇيىمداستىرۋىمەن 25 جاسقا دەيىنگى جاستار ارا-سىندا وتكەن حالىقارالىق ان-فەستيۆالىنە قاتىسىپ قايتقان وتىرارلىقتار ولجالى ورالدى. ءان جانرى بويىنشا ءوز باعىن سىناعان جاس تالانت جامبىل اتىنداعى مەكتەپ-ليسەيىنىڭ 11-سىنىپ وقۋشىسى ايگەرىم سامات قىزى بەكبولات بىرنەشە مەملەكەتتەردەن كەلگەن انشىلەر اراسىندا باس جۇلدەنى جەڭىپ السا، نۇرشۋاق ساكەن ۇلى سەيتىسحان جۇلدەلى ءۇشىنشى ورىندى يەلەنىپ، لاۋرەات اتانىپ قايتتى.ۇلى سازگەر ءشامشىنىڭ جەرلەستەرى ءوز ونەرلەرىمەن يتاليا، پولشا، گەرمانيا، رەسەي سىندى مەملەكەتتەردەن كەلگەن ءادىلقازىلاردان جوعارى باعا الىپ، ەلىمىزدىڭ مەرەيىن ۇستەم ەتتى. وسىنداي جەتىستىككە جەتۋگە ۇلەسىن قوسقان اۋداندىق جاستار سارايىنىڭ ۆوكالدىق ۇيىرمە جەتەكشىسى سالتانات جيرەنبايدىڭ ەڭبەگى زور. اسىرەسە، ش.قالداياقوۆ اتىنداعى مەكتەپ-گيمنازياسىنىڭ 7-سىنىپ وقۋشىسى نۇرشۋاقتىڭ شوقان ءۋاليحانوۆ اتاسى كيگەن وقالى كيىمى شەتەلدىك كورەرمەندەرگە قاتتى ۇناسا كەرەك. ونەگەلى، تاربيەلى وتباسىلاردان شىققان نۇرشۋاقتىڭ اكەسى ساكەن مەن اناسى قاماجايعا، ايگەرىمنىڭ اتا-اناسى سامات پەن ءالياعا ايتار العىسىمىز شەكسىز. ءانى مەن كيىمى ۇيلەسكەن جاس انشىگە بولاشاقتا ۇلكەن شىعارماشىلىق تابىستار تىلەي وتىرىپ، شىعار اسۋىڭ بيىكتە بولسىن دەيمىز.