سايرام اۋداندىق مادەنيەت ۇيىندە ءبىلىم بەرۋ ءبولىمىنىڭ باسشىلىعى «مەكتەپكە جول» اكسياسىن وتكىزدى. بيىل سەگىزىنشى رەت وتكىزىلىپ وتىرعان اكسيا اۋداندا «بالاعا مەيىرىم سىيلا!» ۇندەۋىمەن وتۋدە. اتالعان اكسيا «مەكتەپكە جول» رەسپۋبليكالىق اكسيا جوباسىنىڭ اياسىندا ءوتىپ جاتىر. بۇل شارانىڭ نەگىزىگى مىندەتى – از قامتىلعان وتباسىلارىنداعى وقۋشىلاردىڭ جاڭا وقۋ جىلىنا دايىندىعى جانە بالالاردىڭ الەۋمەتتىك جاعدايلارى بويىنشا مەكتەپكە بارماۋىنىڭ الدىن الۋ. سونداي –اق، ولاردىڭ مەكتەپ فورماسى، وقۋعا قاجەتتى قۇرال – جابدىقتارمەن تولىقتاي قامتىلىپ، الاڭسىز ءبىلىم الۋىنا جاعداي جاساۋ. رەسپۋبليكالىق اكسيانىڭ بارىسىندا وڭتۇستىك قازاقستاندا مەملەكەتتىك پەداگوگيكالىق ينستيتۋنىڭ رەكتورى و.اياشوۆ، شىمكەنت ۋنيۆەرسيتەتىنىڭ رەكتورى ع.پىرالييەۆ، اۋداندىق سوتتىڭ ءتوراعاسى ب.تىنىبەكوۆ، اۋداندىق ىشكى ىستەر مەملەكەتتىك زەينەتاقى تولەۋ جونىندەگى اۋداندىق ورتالىعىنىڭ باسشىسى ن.ديحانبايەۆ، اۋداندىق توتەنشە جاعدايلار باسقارماسىنىڭ باستىعى، ورتكە قارسى قىزمەت پولكوۆنيگى م.بايىمبەتوۆ، اۋداندىق اۋرۋحانانىڭ باس دارىگەرى ب.تۇرلىبەكوۆ، اۋداندىق قۇرىلىس ءبولىمىنىڭ باسشىسى ءۇ.سەربايەۆ، اۋداندىق قورعانىس ىستەرى جونىندەگى ءبولىمنىڭ باستىعى ن.ەرەجەپوۆ، جۇمىسپەن قامتۋ جانە الەۋمەتتىك باعدارلامالار ءبولىمىنىڭ باسشىسى ب.سەرىكبايەۆ، اقباي اۋىلىنىڭ ءبيى ە.ءادىحانوۆ، كاسىپكەرلىك ءبولىمىنىڭ باسشىسى ش.راحاتوۆ، س.سەيفۋللين گيمنازياسىنىڭ باستاۋىش سىنىپ ءمۇعالىمى س.مەرگەنبايەۆا، قاراسۋ اۋىلىنىڭ اكىمشىلىگى، جەكە كىسىپكەر د.تۋلامەتوۆتەر قولداۋ كورسەتتى. دەمەۋشىلەردىڭ كوپتەپ كومەك كورسەتۋى ارقاسىندا الەۋمەتتىك جاعىنان از قامتىلعان بالالار قىركۇيەكتىڭ 1 – ءى كۇنى ءبىلىم نارىمەن سۋسىنداۋعا مەكتەپكە باردى.

دەرەككوزى: مارتوبە گازەتى