الماتى  قالاسى بويىنشا مەملەكەتتىك كىرىستەر دەپارتامەنتى اۋديت باسقارماسىنىڭ پوست-كەدەندىك ءبولىمىنىڭ بۇرىنعى قىزمەتكەرى 500 مىڭ دوللار پارا الماق بولعانى ءۇشىن 10 جىلعا سوتتالدى. بۇل تۋرالى «قامشى» پورتالى  Tengrinews.kz  سىلتەمە جاساي وتىرىپ حابارلايدى.ەستەرىڭىزدە بولسا،  كەدەن قىزمەتكەرى جارتى ميلليون دوللار پارا الماقشى بولدى دەگەن كۇدىكپەن وسى جىلدىڭ  ءساۋىر ايىندا ۇستالعان بولاتىن. ول كەزدە شەنەۋنىكتىڭ كەدەندىك باج سالىعىن تولەمەگەنى ءۇشىن دەلدال ارقىلى پارا الماق بولعانى حابارلانعان ەدى. مكد-نىڭ بۇرىنعى قىزمەتكەرى اسا ءىرى كولەمدە پارا الماق بولعان.  سوت ونى 10 جىلعا باس بوستاندىعىنان ايىرۋعا شەشىم شىعاردى. سونىمەن قاتار، مۇلكىن تاركىلەپ، ءومىر بويى مەملەكەتتىك قىزمەتكە ورنالاسۋ قۇقىعىنان ايىرۋ تۇرىندەگى جازا كەسىپتى.

ايتا كەتەيىك، 2015 جىلدىڭ اقپانىندا مەملەكەتتىك كىرىستەر دەپارتامەنتى سولتۇستىك قازاقستان وبلىسىنىڭ ايماقتىق باسقارما ءتوراعاسى تۇتقىندالعان. وعان قىزمەتتىك بابىن اسىرا پايدالاندى دەگەن كۇدىك كەلگەن بولاتىن.

«قامشى » سىلتەيدى