سايرام ايماعى  بويىنشا اۋدانارالىق مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل باسقارماسىنىڭ ۇيىمداستىرۋىمەن سايرام اۋدانىنداعى ابىلاي حان اتىنداعى  №93 ورتا مەكتەپتە «سىبايلاس جەمقورلىققا قارسى قۇقىقتىق سانانى جەتىلدىرۋ جانە قۇقىقتىق مادەنيەتتى قالىپتاستىرۋ» تاقىرىبىندا كونفەرەنسيا وتكىزىلدى.

ءىس-شاراعا سايرام اۋداندىق ءبىلىم ءبولىمىنىڭ جاۋاپتى قىزمەتكەرلەرى، مەكتەپ ديرەكتورلارى مەن بالا-باقشا مەڭگەرۋشىلەرى، ءبىلىم سالاسى كاسىپوداقتارىنىڭ، ارداگەرلەر كەڭەسىنىڭ جانە اتا-انالار كوميتەتىنىڭ ءتوراعالارى قاتىستى.

كونفەرەنسيا الدىندا قاتىسۋشىلارعا «كاك زاششيتيت سەبيا وت كوررۋپسيوننىح پوسياگاتەلستۆ؟» جانە «سىبايلاس جەمقورلىقتان قالاي قورعانۋعا بولادى؟» تاقىرىبىندا قازاق جانە ورىس تىلدەرىندە دايىندالعان جادىنامالار تاراتىلىپ، سىبايلاس جەمقورلىق كورىنىستەرىن الدىن-الۋ باعىتىندا ءانونيمدى تۇردە ساۋالناما جۇرگىزىلدى.

 شارا بارىسىندا سايرام اۋدان اكىمى اپپاراتى زاڭ ءبولىمىنىڭ  وكىلى، ءبىلىم ءبولىمى ادىستەمەلىك كابينەت مەڭگەرۋشىسى، ءبىلىم سالاسى كاسىپوداقتار ۇيىمى ءتورايىمىنىڭ جانە  باسقارما كونسۋلتانتىنىڭ  باياندامالارى مەن اقپاراتتارى تىڭدالدى. سونىمەن قاتار، دەپارتامەنتپەن مەملەكەتتىك قىزمەتتىڭ وڭ ءيميدجىن قالىپتاستىرۋ جانە سىبايلاس جەمقورلىقتىڭ قوعامعا زياندىلىعىن ناسيحاتتايتىن بەينەروليكتەر كورسەتىلدى.

 كونفەرەنسياعا اۋدان اكىمىنىڭ كەڭەسشىسى ب. تاناگۋزوۆ جانە ارداگەرلەر كەڭەسىنىڭ ءتوراعاسى ءا.باينازار قاتىسىپ، ءوز وي-پىكىرلەرىمەن ءبولىستى. 

دەرەككوزى: سايرام اۋدانى اكىمىنىڭ رەسمي سايتى