قازىرگى تاڭداعى زامان اعىمىنا ىلەسىپ، وزىق مەملەكەتتەردىڭ ساناتىنان كورىنۋ جولدارىنىڭ ءبىرى ەلدەگى كاسىپكەرلىكتى دامىتۋ بولىپ وتىر. وسىعان وراي 2013 جىلدىڭ 9 قىركۇيەگىندە قازاقستان رەسپۋبليكاسىنىڭ ۇلتتىق كاسىپكەرلەر پالاتاسى قۇرىلعان بولاتىن. بۇل – بيزنەس پەن بيلىكتىڭ ءتيىمدى سەرىكتەستىگى نەگىزىندە كاسىپكەرلىكتى دامىتۋ ءۇشىن جاعىمدى جاعدايلاردى قالىپتاستىرۋ ماقساتىمەن قۇرىلعان كوممەرسيالىق ەمەس، وزدىگىنەن باسقارىلاتىن ۇيىم.  
بۇگىنگى تاڭدا نەگىزىنەن رەسپۋبليكامىزداعى قالالاردا، ونىڭ ىشىندە اۋداندار مەن اۋىلدارداعى شاعىن جانە ورتا كاسىپكەرلىكتى دامىتۋ سالاسى باستى ماقسات بولىپ وتىر. وسى ورايدا وتكەن اپتادا اۋدانىمىزدا وڭتۇستىك قازاقستان وبلىسىنىڭ كاسىپكەرلەر پالاتاسىنىڭ قىزمەتكەرلەرىنىڭ قاتىسۋىمەن سەمينار بولىپ ءوتتى. سەمينارعا اۋدان اكىمىنىڭ ورىنباسارى ق.ەسپەنبەتوۆ، سوزاق اۋداندىق كاسىپكەرلەر پالاتاسىنىڭ ديرەكتورى، اۋداندىق ماسليحاتتىڭ دەپۋتاتى ع.ەلبەرگەن ۇلى، وڭتۇستىك قازاقستان وبلىسىنىڭ كاسىپكەرلەر پالاتاسى ديرەكتورىنىڭ ورىنباسارى گ.قارابەكوۆ،  وڭتۇستىك قازاقستان وبلىسىنىڭ ىسكەر ايەلدەر كەڭەسىنىڭ ءتورايىمى ا.ارحابايەۆا، اۋدانىمىزداعى شاعىن جانە ورتا كاسىپكەرلىكپەن اينالىسىپ جۇرگەن ىسكەر ايەلدەر قاۋىمى جانە دە ب ا ق وكىلدەرى قاتىستى.
اتالعان جيىندا كاسىپتەرىن دوڭگەلەتىپ وتىرعان نازىك جاندىلارمەن اشىق سۇحبات جۇرگىزىلدى. كاسىپكەر ازاماتشالاردىڭ اراسىنان اۋداندىق ىسكەر ايەلدەر كەڭەسىن قۇرۋ جونىندە وبلىستىق كاسىپكەرلەر پالاتاسىنىڭ قىزمەتكەرلەرى ۇسىنىس جاسادى. جيىنعا قاتىسۋشىلاردىڭ قولداۋىمەن كەڭەس قۇرامى بەكىتىلدى. سەمينارعا كەلگەن قوناقتار «باق-نۇرى» ىسكەر ايەلدەر قاۋىمداستىعىنىڭ جۇمىسىمەن تانىسىپ، جۇزەگە اسىرىپ وتىرعان ىستەرى كوڭىلگە قۋانىش ۇيالاتاتىنىن جەتكىزدى. قاۋىمداستىق مۇشەلەرىنە اۋقىمدى جۇمىستارى ءۇشىن العىستارىن ءبىلدىردى.
كىمدە-كىم كوزدەگەن كاسىبىمەن دىتتەپ اينالىساتىن بولسا، سول كاسىپتىڭ شىڭىنا شىعادى دەگەن پىكىر قالىپتاستى جيىن بارىسىندا.

سوزاق اۋدانى اكىمدىگىنىڭ باسپا ءسوز قىزمەتى