وتاندى ءسۇيۋ وتباسىنان باستالاتىندىعى زاڭدى قۇبىلىس.

ال وتباسى تاربيەسىندە يمان بايلىعى، وتان مەن «قارا شاڭىراق» مارتەبەسىنىڭ كيەلىگىن جوعارى قويۋ باستى قاعيدا بولسا، ۇلتتىعىمىز ماڭگى تانىلا بەرەتىندىگى ءسوزسىز.

سوندىقتان دا، ەلىم دەپ ەلەڭدەگەن قوعامنىڭ ءاربىر مۇشەسى ءۇشىن حالقىمىزدىڭ ۇلتتىق ءۇردىس، سالت-سانا ءداستۇرى شىنايى ۇلگى بوپ تابىلۋى ءتيىس.

وڭتۇستىك قازاقستان وبلىسىنىڭ ىشكى ساياسات جانە ءدىن ىستەرى باسقارماسىنىڭ تاپسىرماسىمەن «عالامات» قوعامدىق بىرلەستىگى ۇستىمىزدەگى جىلدىڭ شىلدە-تامىز ايلارىندا وبلىستىڭ بارلىق اۋدان، قالالارىندا وتباسىنىڭ بەدەلىن كوتەرۋ، مادەنيەتتىلىكتى، نەكە مەن وتباسى قۇندىلىقتارىن ناسيحاتتاۋ جانە قوعامنىڭ گەندەرلىك مادەنيەتىن ارتتىرۋ بويىنشا جەرگىلىكتى حالىقپەن كوپ بالالى انالار، جاس وتباسىلار، ايەلدەر ۇيىمدارىمەن «وتباسى-ادام عۇمىرىنىڭ تىرەگى عانا ەمەس، قوعامنىڭ دا باستى نەگىزى» تاقىرىپ  بويىنشا كەزدەسۋلەر وتكىزۋدە.

ءاربىر جانۇيا تاۋەلسىز ەلىمىزدىڭ قۇرامداس بولىگى، ءبىر تەتىگى بولعاندىقتان، وتباسى ماسەلەلەرى  مەملەكەتىمىزدىڭ نازارىندا. ونىڭ ايعاعى وسى جىلى ەلباسى جاريالاعان «100 ناقتى قادام» ۇلتتىق  رەفورماسى.

ۇلت جوسپاردىڭ ءتورتىنشى رەفوماسى-بىرتەكتىلىك پەن بىرلىك. بۇل رەتتە ەلباسى قازاقستاندىق قوعامنىڭ كوپتۇرلىلىگى-بىزدىڭ السىزدىگىمىز ەمەس، كۇشىمىز ەكەنىن جەتكىزەدى. بۇنىڭ اياسىندا ەلىمىزدەگى بارلىق ازاماتتار قۇقىقتىڭ بىردەي كولەمىن پايدالانىپ، جاۋاپكەرشىلىكتىڭ بىردەي جۇگىن ارقالاپ جانە ءتۇرلى مۇمكىندىكتەرگە بىردەي قول جەتكىزۋى ءتيىس. وسىنداي بىرلىك پەن بەرەكەنى قامتاماسىز ەتۋ ارقىلى  ماڭگىلىك ەل يدەياسى تولىق جۇزەگە اسا تۇسەدى. مۇندا، اسىرەسە وسكەلەڭ ۇرپاقتى ۇلتتىق قۇندىلىقتار مەن پاتريوتيزمگە باۋلۋ قاعيداتتارىنا ەرەكشە ءمان بەرىلگەن.

بۇل باعىتتا، ۇلكەن مەملەكەت-ۇلكەن وتباسى» اتتى جوباسىن ىسكە قوسۋ ارقىلى ەل تاريحى مەن ۇلتتىق ۇلاعاتتاردى ناسيحاتتايتىن كينوفيلمدەر مەن تەلەباعدارلامالاردى كوپتەپ جارىققا شىعارۋ مىندەتى تۇر. «ماڭگىلىك ەل» يدەياسى بالالارعا جاستايىنان باستاپ تانىستىرىلدى.

ءبىزدىڭ ءوز قۇندىلىقتارىمىز بار. ادالدىق، جانۇيانىڭ بىرلىگى ەلگە قىزمەت ەتۋ، وتاندى ءسۇيۋ دەگەن ماسەلەلەردە شىعارماشىلىق ادامدارعا بايقاۋ جاريالانادى. ويتكەنى، اتا سالتىن سىيلاۋ، جۇرەككە يمان ۇيالاتۋ، سالت-داستۇرلەردى جالعاستىرۋ ارقىلى ءبىز ەلىمىزدى ماڭگىلىك ساقتاي الامىز.

وسى جوسپاردى ىسكە اسىرۋ بويىنشا «عالامات» قوعامدىق بىرلەستىگى  مەن قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەتتىگىنىڭ وڭتۇستىك قازاقستان وبلىسى بويىنشا دەپارتامەنتى بىرلەسىپ جۇرتشىلىققا قۇقىقتىق مادەنيەت قالىپتاستىرۋ ماقساتىندا مەموراندۋم ءتۇزىپ، «پاراسىز مەملەكەت قۇرۋ وتباسى تاربيەسىنەن باستالادى» ايدارىمەن جۇمىستار جۇرگىزىلۋدە.

كەزدەسۋ بارىسىندا ۇيىمداستىرۋشىلار قوعامدىق دامۋدا استامدىق پەن نۇقساندىققا بارماي، اتا-بابامىز بەلگىلەپ بەرگەن ادامي-يماندىلىق جولىنان  تايىنباۋدى ناسيحاتتاپ، ادامزاتتىڭ دۇنيەتانىمدىق پايىمىنىڭ قالىپتاسۋىندا وتباسىنىڭ ءرولى، قازاق حالقىنىڭ تۇرمىس تىرشىلىگىندەگى  ەلگە، جەرگە قۇرمەت كورسەتۋ  داستۇرلەرىنىڭ ماڭىزى، ۇلتتىق تاربيەدە ءدىن مەن ءدىلدىڭ الار ورنىنا جەكەلەي توقتالا وتىرىپ، وتباسىنىڭ ءاربىر ادام تاعدىرى ءۇشىن ماڭىزدى ەكەندىگىن  عىلىمي  دايەكتەرمەن دالەلدەۋدە.

تولە بي اۋدانى «عالامات» قوعامدىق بىرلەستىگىنىڭ ءتورايىمى دانا مامانوۆا