اقش پرەزيدەنتى دجو بايدەن اكىمشىلىگى بەيسەنبى كۇنى تايۆان بۇعازى ارقىلى وڭتۇستىك جۇڭگو تەڭىزىنە سوعىس كەمەسىن جىبەردى. وقيعا ۆاشينگتون مەن بەيجىڭ اراسىنداعى اشىق قاقتىعىس ءقاۋپىن كۇشەيتتى.
تايۆان ارالى مەن بەيجىڭ اراسىندا ورنالاسقان داۋلى تەڭىزدەردى بەيجىڭ ءوزىنىڭ يەلىگى رەتىندە تالاپ ەتەدى. ۆاشينگتون داۋلى ايماققا "Arleigh Burke" كلاسسىندا باسقارىلاتىن زىمىران جويعىش سوعىس كەمەسىن جىبەردى.
"USS دجون س.ماككەين" دەپ اتالاتىن سوعىس كەمەسى تىركەلگەن اقش-تىڭ جەتپىسىنشى فلوتىنىڭ مالىمدەمەسىندە بۇل قادام "اقش-تىڭ ءۇندى-تىنىق مۇحيتى ايماعىنىڭ ەركىن جانە اشىق بولۋىنا دەگەن ۇمتىلىسىن كورسەتەدى" دەپ جاريالاندى.
اقش-تىڭ جاقىن وداقتاسى تايۆاندى بەيجىڭ ءوز اۋماعىنىڭ ءبىر بولىگى رەتىندە سانايدى. ال دەموكراتيالىق تايۆان ءوزىن ەگەمەن ەل رەتىندە قاراستىرادى.
