انگليانىڭ بۇرىنعى بالالار كوميسسارى ەنن لونگفيلدتىڭ ارىزى بويىنشا، TikTok بالالار تۋرالى مالىمەتتەردى جينايدى جانە پايدالانادى.
بۇل شاعىمعا سايكەس، ۇلىبريتانيا مەن ەو-دا وتە تانىمال ۆيدەو قوسىمشا ميلليونداعان بالالارعا زيان كەلتىرگەن .
زاڭدىق تالاپ ءساتتى بولسا، زارداپ شەككەن بالالاردىڭ ءارقايسىسى مىڭ فۋنت تولەم الۋى مۇمكىن.
TikTok بۇل قوزعالعان ىستە شاعىمدانۋشىلارمەن ۇرەسەتىنىن ايتتى.
اۆوكاتتار TikTok بالالاردىڭ جەكە مالىمەتتەرىن، ونىڭ ىشىندە تەلەفون نومىرلەرىن، بەينەلەردى، ناقتى ورنالاسقان جەرى مەن بيومەتريالىق دەرەكتەرىن ەسكەرتۋسىز، اشىقتىقسىز نەمەسە زاڭمەن تالاپ ەتىلگەن قاجەتتى كەلىسىمسىز الادى دەيدى. سونداي-اق بالالارعا نەمەسە اتا-انالارعا وسى اقپاراتتارمەن نە ىستەلەتىنىن حابارلاماي الادى دەپ ايىپتايدى. بۇعان جاۋاپ رەتىندە TikTok "قۇپيالىق پەن قاۋىپسىزدىك TikTokء-تىڭ ءبىرىنشى كەزەكتەگى مىندەتى جانە بىزدە بارلىق قولدانۋشىلاردى، اسىرەسە ءجاسوسپىرىم پايدالانۋشىلاردى قورعاۋعا كومەكتەسەتىن مىقتى ساياسات، پروسەستەر مەن تەحنولوگيالار بار. ءبىزدىڭ پىكىرىمىزشە، تالاپتاردىڭ نەگىزى جوق" دەيدى.
TikTok-تىڭ الەم بويىنشا 800 ميلليوننان استام قولدانۋشىسى بار. كومپانيا وتكەن جىلى ميللياردتاعان پايدا تاپتى، ال، ونىڭ باسىم كوپشىلىگى جارنامادان تۇسكەن قاراجات.
پىكىر قالدىرۋ