قازاقتىڭ سان تاريحى بۇرمالانىپ، اشىلماس سىرلار بۇقپالانىپ، سالتىمىز بەن ۇلتتىق ونەرىمىزدى ەندى عانا ىزدەۋمەن اۋرە بولىپ جۇرگەن ءبىزدىڭ بەتكە ۇستار "جۇلدىزدار" ءۇندىنىڭ ۇلگىسىن جارنامالاپ اۋرە بولىپ ءجۇر.كەشە عانا توي الدى قىز عۇمىرىمەن قوشتاسۋىن ونەر اينالاسىندا جۇرگەن قۇربىلارىمەن بىرگە ءۇندىنىڭ سالتىمەن وتكىزگەن اشا(اقبوتا) ماتاي سوزىمىزگە دالەل بولا الادى.
بۇل بىلىعىن حالىق قالاماسا كەرەك. اشانىڭ پاراقشاسىنا تاسادا قالعان سالتىمىز تۋرالى ويىمەن ءبولىسىپ، ءانشىنى سىننىڭ استىنا الدى. ءوزىنىڭ "قارا پيارىن" بۇقپاسىز كورسەتكەن ول سۋرەتتەرىن ينتەرنەت الەمىنە جۇكتەپ اۋرە. حالىقتىڭ ارقاسىندا "جۇلدىز" بولىپ جۇرگەن ونەر ادامدارىنىڭ تىڭدارمان پىكىرىمەن ساناسپايتىن سەكىلدى. ونسىز دا تۇنىعى لايلانعان ۇلتتىق ونەردىڭ ورەسىن ەسكەرمەي، باسقانىڭ قاڭسىعىن تاڭسىق كورىپ حالىققا شىن ونەردى كومەسكىلەپ جۇرگەن جاندار جەتەرلىك ەدى. قازاقتىڭ تاربيەسىن الىپ، قازاق جەرىنىڭ توپىراعىن باسىپ، اۋاسمەن تىنىستاپ جۇرگەن قازاق قىزدارىنا وسىنداي قيسىنسىز قىلىق جاساۋى- ءوزىن جارنامالاۋ ما؟ دەسەك تە، جارناماسىنىڭ « جۇلدىزى جانىپ»، قازاقتىڭ ۇلتتىق نامىسى كولەڭكەدە قالعانىن قارا كوزدەرىمىز قاشان ەسكەرەدى ەكەن؟ "جۇلدىزدار" شەتەلگە ەلىكتەيمىز دەپ جۇرگەندە قازاقتىڭ ادەبى بولەكتەۋ ەكەنىن تۇسىنسە بولار ەدى، شەت ەلدەگىدەي قازاققا "قارا پيارمەن" تانىلۋ -تاسقا تامىر شىعارۋمەن تەڭ.
ەندىگى جەردە "جۇلدىزدار" جۇلدىز بولىپ جانۋىنا سەبەپكەر -حالىق ەكەنىن ەسكەرسە، ۇلتتىق ونەر مەن سالتىمىزدان اتتاپ، باتىسقا، باسقاعا تابىنۋىن دوعارسا ەكەن دەيمىز.
گۇلدەن ءابدىباقىت
