"رەسەيدىڭ قورعانىس ءمينيسترى ەجەلگى جاۋىنگەرلەر توبىن كلونداۋدى ۇسىندى" دەپ حابارلادى Yahoo.news.com باسىلىمى.
ورىس گەوگرافيالىق قوعامىنىڭ ونلاين-سەسسياسىندا رەسەي پرەزيدەنتى ۆلاديمير ءپۋتيننىڭ جاقىن سەرىگى، قورعانىس ءمينيسترى سەرگەي شويگۋ 3000 جىلدىق سكيف جاۋىنگەرلەرىنىڭ دنق-سىن ولاردى ءتىرىلتۋ ءۇشىن قولدانۋدى ۇسىندى.
"اقپاراتتار بويىنشا، باستاپقىدا قازىرگى يراننان شىققان سكيف حالقى ب.ز.د 9 جانە 2 عاسىرلار ارالىعىندا ەۋرازيانى اينالىپ ءوتىپ، بىرنەشە عاسىرلار بويى قۋاتتى يمپەريا قۇردى. كەيىن باسەكەلەستەرىنىڭ كۇشىمەن جويىلدى" دەپ جازعان باسىلىم 20 جىل بۇرىن ارحەولوگتار ءسىبىردىڭ تۋۆا ايماعىنداعى قورعاننان ەجەلگى ساربازداردىڭ جاقسى ساقتالعان قالدىقتارىن تاپقانىن ايتادى.
مالىمەتتەرگە سايكەس، وڭتۇستىك سىبىردەگى اۋارايىنا بايلانىستى ونىڭ كوپ بولىگى مۇز قۇرسانىپ جاتقاندىقتان، توپىراق نەمەسە بيولوگيالىق قالدىقتار جاقسى ساقتالعان.
"ارينە، ءبىز ورگانيكالىق زاتتاردى تاپقىمىز كەلەدى جانە مەن مۇنىڭ ارتىنان نە بولاتىنىن تۇسىنەسىز دەپ ويلايمىن. ودان ءبىر نارسە جاساۋعا بولار ەدى. جالپى بۇل وتە قىزىقتى بولادى" دەدى شويگۋ ورىس گەوگرافيالىق قوعامىندا.
شويگۋ ادامدى كلونداۋدىڭ قانداي دا ءبىر ءتۇرىن جاساۋدى ۇسىندى.
وسى ۋاقىتقا دەيىن عالىمدار ادامدى كلونداماعان. ءبىراق عالىمدار جاسۋشالاردىڭ جەكەلەگەن تۇرلەرىن تەراپيەۆتىك كلونداۋدى جانە باسقا دا گەندىك-رەداكتورلىق جۇمىستاردى ءساتتى جۇرگىزدى.
كلونداۋ – ورگانيزمدەردى جىنىسسىز جولمەن كوبەيتۋ ارقىلى سول ورگانيزمدەرگە ۇقساس ۇرپاقتار الۋ ءتاسىلى.
پىكىر قالدىرۋ