سوت قازاقستاندا قىزمەتىن توقتاتۋ تۋرالى شەشىم شىعارعان "ياندەكس.تاكسي" سەرۆيسنىڭ قىزمەتى بۇعاتتالا ما؟ بۇل سۇراققا ياندەكس Go كومپانياسىنىڭ وكىلدەرى جاۋاپ بەردى، دەپ جازادى Kapital.kz سايتى.
سەرۆيس وكىلدەرىنىڭ مالىمەتىنشە، تاكسي قىزمەتى بۇرىنعىشا ىستەي بەرەدى، سەرۆيس بۇعاتتالمايدى. كومپانيا الداعى ۋاقىتتا سوت شەشىمىنە بايلانىستى اپپەلياسيالىق شاعىم تۇسىرمەك.
بۇعان دەيىن "ياندەكس. تاكسي" مەن "G-Taxi" قىزمەتىنىڭ اراسىندا تاپسىرىس رەسىمدەلەتىن اقپاراتتىق جۇيەنى پايدالانۋ پاتەنتىنە بايلانىستى داۋ شىعىپ، ءىس سوتقا دەيىن جەتكەن. الماتى مامانداندىرىلعان اۋدانارالىق ەكونوميكالىق سوتى "ياندەكس.تاكسي" تاپسىرىس بەرۋ جۇيەسىن قولدانعان كەزدە پاتەنتتىك قۇقىقتى بۇزعانى ءۇشىن ءىستى شاعىمدانۋشى "G-Taxi" قىزمەتىنىڭ پايداسىنا شەشكەن. ول بويىنشا سەرۆيس قىزمەتى قازاقتان اۋماعىندا توقتاتىلاتىن بولعان. الايدا سوت شەشىمى كۇشىنە ەنبەگەن.
پىكىر قالدىرۋ