نۇر-سۇلتانداعى "نۇرلى جول" ۆوكزالىنا 17 ماۋسىمنان باستاپ تەك Ashyq قوسىمشاسى ارقىلى عانا كىرۋگە بولادى. بۇل تۋرالى ۆەدومستۆوارالىق كوميسسيا حابارلادى.

كوروناۆيرۋستىڭ تارالۋ ءقاۋپىن تومەندەتۋ ماقساتىندا ۆوكزالدىڭ بارلىق كىرەبەرىسىندە QR-كود ورناتىلادى. ونى Ashyq، Kaspi.kz، Homebank مەن Aitu قوسىمشالارى ارقىلى سكانەردەن وتكىزىپ جەكە ستاتۋستى بىلۋگە بولادى.

ەگەر جولاۋشىدا قوسىمشا بولماسا، ۆوكزال قىزمەتكەرىنە جسن-دى ايتۋ كەرەك. ول Ashyq قوسىمشاسى ارقىلى ادامنىڭ ستاتۋسىن ءوزى كورەدى. شەتەلدىكتەردىڭ ستاتۋسى دا ءتولقۇجاتتىڭ نومىرىمەن تەكسەرىلەدى. ال 18 جاسقا تولماعان بالالار تەكسەرىستەن وتپەيدى.  

بيلەت ساتىپ العان جولاۋشىدا "قىزىل" نەمەسە "سارى" ستاتۋس شىققان جاعدايدا پويىزعا جىبەرىلمەيدى.

قوسىمشادا ءتورت ستاتۋس بار. ولار:  

جاسىل  – پتر-تەست تاپسىرعان جانە تەرىس ناتيجەسى بار ادام.

كوك – پتر-تەستى جوق، ۆيرۋس جۇقتىرعاندارمەن بايلانىستا بولماعاندار.

سارى – ناۋقاسپەن بايلانىستا بولعان ادام.

قىزىل – پتر-تەست وڭ ناتيجە شىققان ادام.