وسىدان ءبىر جىل بۇرىن 18 قىركۇيەك كۇنى الماتى قالاسىنىڭ ادىلەت دەپارتامەنتى الەم حالىقتارى جازۋشىلارى وداعىنا ارنايى تىركەلگەندىگىن ايعاقتايتىن انىقتاما بەرىپ، ايتۋلى وداقتىڭ الەم حالىقتارى اراسىندا وزىندىك ۇلكەن ءبىر ابىرويلى بىرلەستىككە اينالاتىنىنا سەنىم ءبىلدىرىپ ەدى. مىنە، كوزدى اشىپ-جۇمعانشا ءبىر جىل وتە شىعىپتى. قۇرىلعانىنا ءبىر جىل بولعان بىرلەستىك بۇگىنگە شەيىن نە تىندىرا الدى دەگەن ساۋال تەك كوپشىلىكتى عانا ەمەس، مەنى دە تولعاندىرىپ وتىر، وداعىمىزدىڭ ءاربىر مۇشەسىنىڭ دە وسىنداي ويدا ەكەنىن باعامدايمىن. ءبىر جىل كولەمىندە، بىرەۋلەر ءۇشىن ۇساق شارۋا بولىپ كورىنگەنىمەن، ءبىز ءۇشىن ايتۋعا تۇرارلىقتاي ءىس شارالار جاسالىپتى. بىرىنشىدەن، وداعىمىزدىڭ قاناتى كەڭگە جايىلىپ، رەسەي فەدەراسياسى، جۇڭگو حالىق رەسپۋبليكاسى، امەريكا قۇراما شتاتتارى، تۇركيا، وزبەكستان، قىرعىز رەسپۋبليكاسى جانە تاجىكستان مەملەكەتتەرىنەن وكىلدىكتەر اشىلدى.

ەكىنشىدەن، وتكەن 16 ماۋسىمدا تۇساۋكەسەرىمىزدى وتكىزىپ، ەلگە تانىمال، دانا، اقساقال قاريالارىمىزدىڭ اق باتاسىن الدىق. ۇشىنشىدەن، ءبىر جىل ىشىندە ءاحجو مۇشەلەرى 70 قالامگەرگە جەتتى. تورتىنشىدەن، ءاحجو مۇشەلەرىن حالىققا كەڭىنەن تانىستىرۋ جانە ناسيحاتتاۋ ماقساتىندا مەكتەپ وقۋشىلارى اراسىندا حالىقارالىق ونلاين كوركەمسوز وقۋ بايقاۋىن ءبىر رەت وتكىزدىك جانە كوپشىلىكتىڭ سۇرانىسى بويىنشا ونى ەكىنشى رەت وتكىزۋدى ۇيعاردىق. جاڭا وقۋ جىلى باستالعالى بەرى ءتىل مەرەكەسىنە بايلانىستى قجوب مۇشەلەرىمەن قوسا ءاحجو مۇشەلەرىن دە ارنايى كەزدەسۋلەرگە شاقىرا باستادى. ياعني، قوعامىمىزعا ءبىز دە كەرەك اقىن-جازۋشى ەكەنىمىزدى ەركىن سەزىنۋدەمىز. مۇمكىندىك بولىپ قولداۋشىلار تاپساق، جىلدىڭ سوڭىنا شەيىن ءى سەزىمىزدى وتكىزسەك دەيمىز. ايتا كەتەتىن قىزىقتى جاڭالىق وداعىمىزعا مۇشەلىككە وتۋگە شەتەلدەگى قالامگەرلەر، ونىڭ ىشىندە قحر-نىڭ قالامگەرلەرى ەرەكشە قىزىعۋشىلىق تانىتىپ وتىر.

قايرات دۇيسەنوۆ