قىرعىز رەسپۋبليكاسىنىڭ پرەزيدەنتى سادىر جاپاروۆ قازاقستاندىقتار مەن مەملەكەت باسشىسى قاسىم-جومارت توقايەۆقا جامبىل وبلىسىنداعى اسكەري بولىمدەگى جارىلىس كەزىندە قازا بولعاندارعا بايلانىستى كوڭىل ايتتى.
"ادام ولىمىنە اكەلىپ سوققان جارىلىس تۋرالى حاباردى ەستىگەندە قابىرعام قايىستى. قىرعىز رەسپۋبليكاسى جانە ءوزىمنىڭ اتىمنان قازا بولعانداردىڭ وتباسى مەن جاقىندارىنا كوڭىل ايتامىن. اپات سالدارىنان زارداپ شەككەن جانداردىڭ تەزىرەك ساۋىعىپ كەتۋىنە تىلەكشىمىز. قايعىلارىڭىزعا ورتاقپىز" دەپ جازىلعان قىرعىز رەسپۋبليكاسى پرەزيدەنتىنىڭ رەسمي سايتىندا.
26 تامىزدا جامبىل وبلىسىنىڭ اسكەري بولىمىندەگى وق-دارىلەر قويماسىندا جارىلىس بولىپ، بەس ادام قازا تاپقان.
اۋرۋحاناعا 90-عا جۋىق ادام ءتۇستى، ونىڭ 49-ى – توتەنشە جاعداي دەپارتامەنتىنىڭ قىزمەتكەرلەرى. ق ر ءبىلىم جانە عىلىم مينيسترلىگى بالالاردىڭ قۇقىقتارىن قورعاۋ كوميتەتىنە كەلىپ تۇسكەن اقپاراتقا سايكەس "جامبىل وبلىسىندا (بايزاق اۋدانى) زارداپ شەككەندەردىڭ اراسىندا بالالار جوق" دەپ مالەمدەدى.
پىكىر قالدىرۋ