ادەتتەگىدەي 1 قاڭتاردان باستاپ قازاقستاندا زەينەت اقى مولشەرى از دا بولسا كوتەرىلەدى.  بۇل جولى 9%-عا ارتادى - دەپ حابارلادى  newskaz.kz.

« 2014 جىلعى 1 قاڭتاردان باستاپ ۋاكىلەتتى ۇيىمنان تولەنەتىن 2014 جىلدىڭ 1 قاڭتارىنا دەيىن تاعايىندالعان زەينەتاقى تولەمدەرىن 1998 جىلعى 1 قاڭتارعا دەيىن زەينەتاقى الاتىن، زەينەتكەرلىك جاسقا تولعان قازاقستان رەسپۋبليكاسىنىڭ ازاماتتارىنا، اسكەري قىزمەتشىلەرگە، ارناۋلى مەملەكەتتىك جانە قۇقىق قورعاۋ ورگاندارىنىڭ ارناۋلى اتاقتار، سىنىپتىق شەندەر بەرىلگەن قىزمەتكەرلەرىنە، سونداي-اق ارناۋلى اتاقتار، سىنىپتىق شەندەر الۋ جانە نىساندى كيىم كيىپ ءجۇرۋ قۇقىقتارى 2012 جىلعى 1 قاڭتاردان باستاپ جويىلعان، ەڭبەك سىڭىرگەن جىلدارى ءۇشىن زەينەتاقى تولەمدەرىن الۋعا قۇقىعى بار ادامدارعا الاتىن زەينەتاقى تولەمدەرىنىڭ مولشەرىنەن توعىز پايىزعا ارتتىرۋ جۇرگىزىلسىن»، - دەلىنگەن قۇجاتتا.