شىمكەنت قالاسىنىڭ اكىمى مۇرات ايتەنوۆ اقش-تىڭ الماتىداعى باس كونسۋلى كەرولاين سيەۆيدجپەن كەزدەستى. باس كونسۋلدى جاڭا ميسسياسىنىڭ باستالۋىمەن قۇتتىقتاعان قالا باسشىسى ەكى جاقتى قارىم-قاتىناس پەن ىنتىماقتاستىقتىڭ ودان ءارى جالعاساتىنىنا سەنىم ءبىلدىردى.

مۇرات ايتەنوۆ مەگاپوليستىڭ الەۋمەتتىك-ەكونوميكالىق دامۋىنا قىسقاشا توقتالىپ، قالادا ينۆەستيسيا تارتۋعا جايلى جاعداي جاسالعانىن، ايماقتىڭ تۋريستىك الەۋمەتى مول ەكەنىن ايتتى. سونىمەن بىرگە شىمكەنت – وزبەكستان، قىرعىزستان ەلدەرىمەن جانە ولاردىڭ استانالارى تاشكەنت پەن بىشكەك شەكارالارىنا جاقىن ورنالاسقان رەسپۋبليكانىڭ ءىرى ونەركاسىپتىك جانە ساۋدا ورتالىقتارىنىڭ ءبىرى بولىپ تابىلاتىنىن اتاپ ءوتتى.

«ءبىزدىڭ باستى ماقساتىمىز – قالامىزدى ادام ومىرىنە قولايلى جانە بيزنەس جۇرگىزۋگە ىڭعايلى مەگاپوليسكە اينالدىرۋ. وعان قول جەتكىزۋ ءۇشىن ءبىز ينۆەستيسيالىق قوعامداستىقتارمەن جەمىستى ىنتىماقتاستىقتى جالعاستىرۋدى كوزدەيمىز. قازاقستان مەن اقش بيزنەسىنىڭ يگىلىگى ءۇشىن جاڭا جوبالار بىرلەسكەن جۇمىستىڭ ناتيجەسى بولادى دەپ ويلايمىن»-دەدى اكىم.

ءوز كەزەگىندە كەرولاين سيەۆيدج ەكى مەملەكەت اراسىنداعى قالىپتاسقان ىنتىماقتاستىق دامي بەرەتىنىنە سەنىم ءبىلدىرىپ، بيىل اقش پەن قازاقستان اراسىنداعى قارىم-قاتىناسقا 30 جىل تولىپ وتىرعانىن جەتكىزدى. سونىمەن بىرگە ول قازاقستان جۇرتشىلىعىن ەل تاۋەلسىزدىگىنىڭ 30 جىلدىعىمەن قۇتتىقتادى.

كەزدەسۋ بارىسىندا ساۋدا-ەكونوميكالىق، ينۆەستيسيالىق، مادەني-گۋمانيتارلىق ىنتىماقتاستىق ماسەلەلەرى سارالاندى