شىمكەنت قالاسىندا «ەڭبەك» مەملەكەتتىك باعدارلاماسىنىڭ ءبىرىنشى باعىتى شەڭبەرىندە قىسقا مەرزىمدى وقىتۋ كۋرستارىنا جۇمىسپەن قامتۋ ورتالىعىندا جۇمىسسىز رەتىندە تىركەلگەن 18 جاستان اسقان جانە زەينەت جاسقا دەيىنگى ازاماتتار قاتىسا الادى.

ال، ستۋدەنتتەر قاتىستىرىلمايدى. وقۋىن ءتامامداعان ازاماتتارعا بىلىكتىلىك كۋالىكتەرى بەرىلەدى. سول قۇجات ارقىلى ازامات مەملەكەتتىك گرانتقا جانە جىلدىق پايىزى 6% -دان اسپايتىن شاعىن نەسيەگە قۇجات وتكىزە الادى.

قالادا بيىل وقىتۋ كۋرستارىنا 2500-دەن استام ازامات جولداندى. وقۋ مەرزىمى - 3 اي (1 اي تەوريا، 2 اي تاجىريبە). وقۋعا جولدانعان ازاماتتارعا اي سايىن شاكىرتاقى قاراستىرىلعان.

ايتا كەتسەك، وتكەن جىلى 1196 ادام تەحنيكالىق جانە كاسىپتىك وقۋدان وتكەن. قىسقا مەرزىمدى كاسىپتىك وقىتۋعا 2000 ادام جولدانىپ، 1990 ازامات وقۋىن ءبىتىرىپ، كۋالىكتەرىن الدى. ناتيجەسىندە، قىسقا مەرزىمدى كاسىپتىك وقىتۋدان كەيىن 1590 ادام جۇمىسپەن قامتىلدى.