ق ر پرەزيدەنتى قاسىم-جومارت توقايەۆتىڭ بۇقارالىق سپورتتى دامىتۋ بويىنشا بەرگەن تاپسىرماسى نەگىزىندە شىمكەنت قالاسى اكىمىنىڭ قولداۋىمەن «شىمكەنت جاستار ليگاسى» جوباسى قولعا الىنعان. ەكىنشى رەت وتەتىن سپورتتىق ءىس-شارا وسى جىلدىڭ قازان ايىندا باستالىپ 2022 جىلدىڭ مامىر ايىندا اياقتالادى دەپ جوسپارلانۋدا. بۇل تۋرالى بۇگىن اقپاراتتىق-كوممۋنيكاسيالىق ورتالىعىندا وتكەن بريفينگ بارىسىندا ءبىلىم باسقارماسىنىڭ باسشىسى ج.تاجييەۆا ءمالىم ەتتى.

«جاستاردىڭ بوس ۋاقىتىن ءتيىمدى پايدالانۋ، جاپپاي سپورتقا باۋلي وتىرىپ سالاۋاتتى ءومىر سالتىن ناسيحاتتاۋ، بۇقارالىق سپورتتى دامىتۋ ماقساتىندا ەكىنشى مارتە ۇيىمداستىرىلىپ وتىرعان «شىمكەنت جاستار ليگاسى» جوباسى فۋتبول، ۆولەيبول، باسكەتبول، شاحمات سىندى سپورتتىڭ 4 تۇرىنەن جوعارى جانە ورتا ارناۋلى وقۋ ورىندارىنىڭ جاستارى جانە جالپى ءبىلىم بەرۋ مەكەمەلەرىنىڭ وقۋشىلارى اراسىندا وتكىزۋ جوسپارلانۋدا»،-دەدى باسقارما باسشىسى.

اتالمىش جوباعا جالپى ءبىلىم بەرۋ مەكەمەلەردىڭ تاراپىنان قازىرگى ۋاقىتتا فۋتبول (ۇلدار اراسىندا)، باسكەتبول (ۇلدار اراسىندا)، ۆولەيبول (قىزدار اراسىندا)، شاحمات (ۇلدار، قىزدار اراسىندا) سپورت تۇرلەرىنەن 143 مەكتەپتەن ءوتىنىم كەلىپ تۇسكەن.

سونىمەن قاتار، جوعارى جانە ورتا ارناۋلى وقۋ ورىندارىنان 37 كوماندا ونىڭ ىشىندە 7 جوعارى وقۋ ورىندارى جانە 30 ورتا ارناۋلى وقۋ ورىندارى جاساقتالىپ، قاتىسۋعا ءوتىنىش بەردى.ستۋدەنتتەر اراسىنداعى جارىس بولەك وتەدى.

«شىمكەنت جاستار ليگاسى» جوباسى جوعارى جانە ورتا ارناۋلى وقۋ ورىندارى ءۇشىن قازان ايىنان باستالىپ، جەلتوقسان ايىنا دەيىن جالعاسادى.

اتالعان جوبانىڭ ءبىرىنشى كەزەڭى وسى جىلدىڭ ناۋرىز ايىندا باستالىپ، ماۋسىم ايىندا اياقتالعان بولاتىن. مەكتەپ وقۋشىلارى اراسىندا ءۇش ايعا سوزىلعان اۋقىمدى سپورتتىق سايىستىڭ جەڭىمپازى اتانعان 4 مەكتەپكە 20 ملن تەڭگەدەن قارجىلاي سىيلىق بەرىلگەن. وقۋشىلار بۇل قارجىنى وزدەرى ءبىلىم الاتىن مەكتەپتىڭ ماتەريالدىق-تەحنيكالىق بازاسىن نىعايتۋ ماقساتىندا ءار مەكتەپ 12 دانا جىلجىمالى ينتەراكتيۆتى پانەل العان.

ءبىرىنشى كەزەڭدە 140 ءبىلىم بەرۋ ۇيىمىنان 500-دەن استام كوماندا جاساقتالىپ، 6 مىڭنان استام وقۋشى باعىن سىناعان.