بۇقارالىق سپورتتى دامىتۋ ماقساتىندا ۇيىمداستىرىلىپ وتىرعان «شىمكەنت جاستار ليگاسى» سپورتتىق ءىس-شاراسىنداعى ويىندارعا ءادىل باعا بەرۋ ماقساتىندا ارنايى ليسەنزياسى بار بىلىكتى 110 تورەشىلەر تورەلىك ەتەتىن بولادى. بۇل تۋرالى بۇگىن اقپاراتتىق-كوممۋنيكاسيالىق ورتالىعىندا وتكەن بريفينگ بارىسىندا دەنە شىنىقتىرۋ جانە سپورت باسقارماسى باسشىسىنىڭ ورىنباسارى ە.دارمەنوۆ ءمالىم ەتتى.

«جارىس قورىتىندىسى بويىنشا سپورت تۇرلەرىنەن ءى، ءىى، ءىىى ورىن العان كوماندالار ديپلوم، مەدال جانە باعالى سىيلىقتارمەن ماراپاتتالادى. سونداي-اق، سپورت تۇرلەرىنەن «ۇزدىك قاقپاشى»، «ۇزدىك قورعاۋشى»، «ۇزدىك ويىنشى»، «ۇزدىك جەتەكشى»، «ۇزدىك جانكۇيەر»، «ۇزدىك فان-كلۋبى» «ۇزدىك تاربيەشى»، «ۇزدىك ءبىلىم بەرۋ مەكەمەسى» نوميناسيالارىنىڭ جەڭىمپازدارىنا ديپلومدار مەن باعالى سىيلىقتار تابىستالادى،-دەدى ە.دارمەنوۆ. 

«ءار اۋدانعا قاراستى مەكتەپتەر ءتورت توپقا ءبولىنىپ، قازان-مامىر ايلارىندا ءوزارا سايىسىپ، توپ جەڭىمپازدارى انىقتالادى. اۋداندارداعى ويىنداردان سوڭ ءوز توبىنان جەڭىمپاز بولىپ شىققان 16 مەكتەپتىڭ كوماندالارى ءساۋىر ايىندا 1/8 فينالدا ويىنداردى جالعاستىرادى. جارىس جەڭىمپازدارى مامىر ايىندا انىقتالىپ، ماراپاتتالادى»،-دەدى ە.ايتبايەۆ.

بۇل ويىنداردى جەرگىلىكتى تەلەارنالاردان جانە ارنايى اشىلعان سايتتاردان تاماشالاۋعا بولادى.

جالپى ءبىلىم بەرۋ مەكەمەلەرىنىڭ وقۋشىلارى اراسىندا قازان - مامىر ايلارى ارالىعىندا باس تورەشىنىڭ بەكىتكەن كەستەسىنە سايكەس، اينالىمدىق كەزدەسۋ ارقىلى وتەدى.