اقتوبە وبلىسىنىڭ اكىمى وڭداسىن ورازالين 6 قازان، سارسەنبى كۇنى اقتوبە قالاسىن جۇمىس بابىمەن ارالاۋ كەزىندە جولداردىڭ قۇرىلىسىمەن، كوشەلەردىڭ اباتتاندىرىلۋى جانە جارىقتاندىرىلۋىمەن تانىستى.

گارنيزوننايا كوشەسىندە ۇزىندىعى 739 مەترلىك اۆتوكولىك جولىنىڭ كۇردەلى جوندەۋ جۇمىستارى اياقتالۋعا جاقىن. "كتپ" ج ش س مەردىگەر ۇيىمىنىڭ وكىلدەرى جۇمىستىڭ بارىسى جايلى ەسەپ بەردى.

جولدىڭ جوندەۋ جۇمىستارىنان بولەك، جوبا جالپى ۇزىندىعى 1 100 مەتر بولاتىن كوشەلەردى، جاياۋجولدار مەن جول جيەگىندەگى اۆتوتۇراقتاردى جارىقتاندىرۋدى قاراستىرعان. جۇمىس قازان ايىنىڭ ەكىنشى جارتىسىندا اياقتالادى دەپ جوسپارلانىپ وتىر.

قازان ايىنىڭ سوڭىنا قاراي قيسىق كولدەگى جولدىڭ كوپتەن كۇتكەن جوندەۋ جۇمىستارى اياقتالۋى ءتيىس. 6 قازان كۇنى اسفالت جابىندىسىنىڭ ءبىرىنشى قاباتىن توسەۋ باستالدى. بارلىعى 1987 مەتر جولعا اسفالت توسەلەتىن بولادى.

وڭداسىن ورازالين "Tolagai-2050" ج ش س مەردىگەر مەكەمەسىنە قيسىق كول تۇرعىندارىنىڭ ساياجاي ۇجىمىنىڭ ءبىر بولىگىن جاڭا جوندەلگەن جولمەن قوساتىن قارا جولدىڭ 12 مەترىن اسفالتتاۋ تۋرالى وتىنىشتەرىن قاناعاتتاندىرۋدى تاپسىردى.

"تۇپتەپ كەلگەندە ءبارى تۇرعىندار ءۇشىن ىستەلىپ جاتىر، سوندىقتان، ەگەر مۇمكىندىك بولسا ءوتىنىشتى ورىنداۋ كەرەك"،- دەدى و.ورازالين.
قالانى قىزمەتتىك ارالاۋ قوعامدىق كەڭىستىكتەردى اباتتاندىرۋ جۇمىستارىنىڭ بارىسىمەن تانىسۋمەن جالعاستى.

ءا.مولداعۇلوۆا داڭعىلى بويىنداعى تەمىرجول باسقارماسى عيماراتىنىڭ الدىنداعى گۇل باعىن قالپىنا كەلتىرۋ جۇمىستارى اياقتالدى. "Qala invest" ج ش س جۇمىسشىلارى 12 مىڭ م2 سۋارۋ جۇيەسىن ورناتىپ، كوگالداندىرۋ، جارىقتاندىرۋ جۇمىستارىن جۇرگىزدى، جاياۋ جۇرگىنشىلەر جولىن توسەدى، بالالار وينايتىن جانە ۆوركاۋت الاڭدارىن، ورىندىقتار، قوقىس جاشىكتەرىن جانە ت.ب. ورناتتى. بارلىق اتقارىلعان جۇمىستىڭ كەپىلى - 2 جىل.

اعايىندى جۇبانوۆتار كوشەسىندە دە وبلىس اكىمى «جاستار اللەياسىمەن» تانىسىپ، قالپىنا كەلتىرۋ جۇمىستارىنا وڭ باعا بەردى. ايتا كەتەيىك، قالپىنا كەلتىرۋ جۇمىستارى اياسىندا اللەياعا قاراي شىعاتىن ەكى كوپقاباتتى ۇيدە جاستارعا ارنالعان ءتۇرلى-تۇستى سۋرەتتەر سالىنعان جاڭا ارت نىساندار بولادى.

ءوڭىر باسشىسى سونداي-اق ترياتلون پاركىنىڭ دە اباتتاندىرۋ جۇمىستارىن قاراپ شىقتى. بەلسەندى دەمالىستى جاقسى كورەتىندەر ءۇشىن مۇندا جۇگىرەتىن جانە ۆەلوسيپەدپەن جۇرەتىن جولدار سالىنعان، سونىمەن قاتار، اركا ءتارىزدى بىرەگەي LED- ەكران ورناتىلعان، جارىقتاندىرۋ جانە سۋارۋ جۇيەلەرى جولعا قويىلعان. تۇرعىنداردىڭ قالاۋىمەن جاياۋ جۇرگىنشىلەر جولى سالىنىپتى.
وبلىس اكىمى سونىمەن قاتار، وبلىس ورتالىعىنداعى كوشەلەردىڭ جارىعىن دا تەكسەردى، سونىڭ ىشىندە ءاليا مولداعۇلوۆا داڭعىلى بويىنداعى جارىق يلليۋميناسياسىن قاراپ شىقتى.

ايتا كەتەيىك، قازىرگى تاڭدا اقتوبەدە قالا كوشەلەرى مەن اۋلالارىن تۇنگى جارىقپەن قامتاماسىز ەتۋدىڭ اۋقىمدى جۇمىستارى جۇرگىزىلۋدە.

اقتوبە قالاسىنىڭ اكىمى ا.شاحاروۆ: «ساتپايەۆ، تۋرگەنيەۆ كوشەلەرىنىڭ بويىنداعى كوشەلەر مەن ۇيلەردى جارىقپەن قامتۋ جۇمىستارى جالعاسۋدا. نەكراسوۆ كوشەسىنە دە جارىق كەلەدى. جالپى، قالانى جارىقتاندىرۋعا بايلانىستى ۇلكەن جوبا جاسادىق – كونە جارىق نۇكتەلەرى اۋىستىرىلىپ، 9 مىڭعا جۋىق جاڭا تىرەۋ ورناتىلادى. اسفالت توسەۋ، جارىقتاندىرۋ، بالالار وينايتىن جانە سپورت الاڭدارىن ورناتۋ سىندى اۋلالاردى اباتتاندىرۋ بويىنشا بەلسەندى جۇمىستار جالعاسىپ جاتىر.

بيىل 200-دەن استام اۋلانى، كەلەر جىلى ءسىزدىڭ تاپسىرماڭىز بويىنشا وسى جۇمىستاردى اۋقىمدى تۇردە جالعاستىرۋدى جوسپارلاپ وتىرمىز. كوشەلەرگە جارىق بەرۋ جۇمىستارىن دا باستاپ كەتتىك. جىل سوڭىنا دەيىن قالانىڭ بارلىق جەرىنە 700 جارىق نۇكتەسىن ورناتۋدى اياقتايمىز. كەلەر جىلى جارىق بەرۋ جۇمىستارى دا اۋقىمدىراق جۇرگىزىلەتىن بولادى. ونداعان جىلدار بويى جوندەۋ كورمەگەن بارلىق اۋلانىڭ اباتتاندىرۋ جۇمىستارى ءبىزدىڭ جوسپار بويىنشا جۋىق اراداعى ەكى جىلدا تولىقتاي اياقتالاتىن بولادى»، - دەپ ەسەپ بەردى.

جۇمىس ساپارىنىڭ سوڭىندا وبلىس اكىمى قالا باسشىلىعىنا وبلىس ورتالىعىن ءارى قاراي اباتتاندىرۋدى جانە جۇزەگە اسىرىلىپ جاتقان جوبالاردى ۋاقىتىندا اياقتاۋعا قاتىستى ءبىرقاتار تاپسىرمالار بەردى.