اقتوبە وبلىسىنىڭ اكىمى وڭداسىن ءورازاليننىڭ توراعالىعىمەن ءوڭىردىڭ بيىلعى قاڭتار-قىركۇيەك ايلارىنىڭ ارالىعىنداعى الەۋمەتتىك-ەكونوميكالىق دامۋىنىڭ قورىتىندىلارى قارالدى. ەكونوميكا جانە بيۋدجەتتى جوسپارلاۋ باسقارماسىنىڭ باسشىسى گۇلقاسيما سۇيىنتايەۆا بايانداما جاسادى.

«توعىز ايدىڭ قورىتىندىسى بويىنشا نەگىزگى الەۋمەتتىك-ەكونوميكالىق كورسەتكىشتەر بويىنشا وڭ ديناميكا بايقالادى. ماسەلەن، ونەركاسىپ ءوسىمى - 104،8%، وندىرىلگەن ءونىم كولەمى - 1،5 تريلليونا تەڭگە”»،- دەدى گ.سۇيىنتايەۆا.

قۇرىلىس سەكتورى103،4 % بولىپ، تۇراقتى ءارى جوعارى قارقىندى ءوسىم قامتاماسىز ەتىلگەن، سونىڭ ىشىندە 624،8 م2 (112%) باسپانا پايدالانۋعا بەرىلدى. نەگىزگى كاپيتالعا تۇسەتىن ينۆەستيسيا كولەمى 130،5% نەمەسە 557،6 ميلليارد تەڭگە.

وڭداسىن ورازالين سونداي-اق، اقتوبە قالاسى مەن اۋدان اكىمدەرىنە ەكونوميكانىڭ بارلىق سالالارىنا ينۆەستيسيا تارتۋعا ەرەكشە نازار اۋدارۋدى تاپسىردى.

«جىل قورىتىندىسى بويىنشا ەكونوميكا ءوسىمى كەمىندە 104،1 %-دى قۇراۋ كەرەك. وسى ماقساتقا قول جەتكىزۋ – ءبىزدىڭ ورتاق مىندەتىمىز»،- دەدى وڭداسىن ورازالين.

بۇدان وزگە، ءوڭىر باسشىسى ەپيدەميولوگيالىق جاعدايدى، COVID-19-عا قارسى ەكپە الۋ بارىسىن باقىلاۋدا ۇستاۋدى جانە وسى اۋرۋ كوبەيگەن جاعدايدا ۇنەمى دايىن بولۋدى تاپسىردى.