"ۋتيلالىمعا جول جوق" قوزعالىسىنىڭ وكىلدەرى قازاقستانداعى اۆتووندىرۋشىلەر وتاندىق ءونىم دەپ جۇرگەن كولىكتەر دايىن بولشەكتەردەن قالاي جينالاتىنىن كورسەتتى.
سوزدەرىنشە، وتاندىق وندىرۋشىلەر كولىكتىڭ دايىن بولشەكتەرىن قۇراستىرۋ ارقىلى مەملەكەتتەن سۋبسيديا تۇرىندە قىرۋار قارجى الىپ، سالىق تولەمەي وتىر. ولار مۇنداي ارەكەت بەلگىلى ءبىر وليگارحيالىق توپتىڭ مۇددەسى ءۇشىن عانا جاسالىپ وتىرعانىن ايتادى.
قوزعالىس وكىلدەرى قازاقستانداعى كولىك قۇنى ۋتيلالىم مەن باستاپقى تىركەۋ سالىعىنىڭ سالدارىنان ادىلەتسىز قىمباتتاپ كەتەتىنىن جەتكىزدى.
سونداي-اق ولار بۇل كورىنىستى 12 ناۋرىزعا جوسپارلانعان بەيبىت شەرۋدە كورسەتۋدى ويلاعانىن، الايدا الماتى قالاسى اكىمدىگى بەيبىت جيىن وتكىزۋگە رۇحسات بەرمەگەندىكتەن، الەۋمەتتىك جەلىگە سالۋدى ۇيعارعانىن اتاپ ءوتتى.
پىكىر قالدىرۋ