«اۋىل» حالىقتىق-دەموكراتيالىق پاتريوتتىق پارتياسى شقو بويىنشا وڭىرلىك فيليالى كونستيتۋتسيالىق رەفورمالاردى ءتۇسىندىرۋ جانە رەفەرەندۋمعا قاتىسۋعا شاقىرۋ ماقساتىندا شقو فەرمەلەرىنىڭ دالالىق مەحانيكالاندىرىلعان برياگادالارىمەن كەزدەسۋ وتكىزدى.
كەزدەسۋ "مايلى داقىلدار تاجىريبەلىك شارۋاشىلىعى" ج ش س ەگىستىگىندە ءوتتى. ءىس-شاراعا شقو-عى شارۋا قوجالىقتارىنىڭ مەحانيحاتورلارى، اگرونومدارى، وسىمدىك قورعاۋ مامانلارى مەن سەرىكتەستىكتىڭ ەڭبەك ۇجىمى قاتىستى.
شقو بويىنشا پارتيا جەتەكشىلەرىنىڭ ءبىرى كامال ارنحانوۆ قاتىسۋشىلارعا ق ر كونستيتۋتسياسىنا ەنگىزىلگەن تۇزەتۋلەر مەن تولىقتىرۋلاردى تۇسىندىرە وتىرىپ، بۇل رەفەرەندۋم ازاماتتارىمىزدىڭ مەملەكەتتىك باسقارۋ جۇمىسىنا كەڭىنەن قاتىسۋىن قامتاماسىز ەتەتىن جاڭا ساياسي جۇيەگە كوشۋىن قاراستىراتىنىن اتاپ ءوتتى.
– ءبىزدىڭ ەلىمىز – اگرارلىق مەملەكەت جانە اۋىل شارۋاشىلىعى ەكونوميكا سالاسىنىڭ ماڭىزدى ءبىر بولىگى ەكەندىگى ءسوزسىز. بۇگىندە بۇل سالادا مىڭداعان ادام جۇمىس ىستەيدى. ءبىز ءبارىمىز ءوز مەملەكەتىمىزدە وزگەرىس بولۋىن تىلەيمىز. الداعى رەفەرەندۋم قازاقستان بولاشاعىن ودان سايىن جارقىراتا تۇسەتىنىنە سەنىمدىمىز، – دەدى كامال ارنحانوۆ.
سونداي-اق جيىندا "ۆوستوك-اگروتەح" ج ش س مەحانيزاتورى الەكساندر پەرشيندە 5ء-شى ماۋسىم كۇنى بولاتىن رەفەرەندۋم ۇلكەن وزگەرىستەردىڭ، جاڭا قازاقستاننىڭ باستاۋى بولماق دەگەن ويىن بىلدىرە كەتتى.
– اتا زاڭنىڭ جاڭا رەداكسياسىندا ەلىمىزدىڭ بارلىق تابيعي رەسۋرستارى قازاقستان حالقىنا عانا تيەسىلى جانە وسى يگىلىككە يەلىك ەتەتىن تەك حالىق قانا، – دەپ ايتتى ەڭبەك ادامى الەكساندر
جينالعاندار رەفەرەندۋمعا قاتىسىپ، دۇرىس تاڭداۋ جاسايتىنىن ايتىپ، جوسپارلانىپ وتىرعان كونستيتۋتسيالىق رەفورمالار قاراپايىم ەڭبەك ادامىنىڭ ەرتەڭگە دەگەن سەنىمىن ەسەلەي تۇسەتىنىنە كامىل سەنەدى.
شقو اقپارات ورتالىعى
پىكىر قالدىرۋ