ءماجىلىس دەپۋتاتتارى بەرىك بەكجانوۆ، بەرىك وسپانوۆ پەن فاحريددين قاراتايەۆ شىمكەنت قالاسىنا بارىپ، ءال-فارابي اۋداندىق جۇمىسپەن قامتۋ ورتالىعىنىڭ ۇجىمىمەن كەزدەستى.
بۇگىنگى تاڭدا حالىقتى جۇمىسپەن قامتۋ ورتالىعى ەلىمىزدەگى جۇمىسسىز ازاماتتاردى جۇمىسپەن قامتۋعا جاردەم كورسەتىپ، ەڭبەكپەنقامتۋدىڭ بەلسەندى شارالارىن ىسكە اسىرادى. سونداي-اق بوس ورىندار جارمەڭكەسىن ۇيىمداستىرىپ، كاسىپتىك باعدار بەرۋدى جۇرگىزەدى.
شىمكەنت قالالىق جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى بالمارجان ناربەكوۆا اتاپ وتكەندەي، اۋداندىق ورتالىقتا بۇگىندە 20 قىزمەتكەر قالا تۇرعىندارىنا قىزمەت كورسەتۋدە. مەگاپوليس ستاتۋسىن العالى قالاداعى ءتورت اۋداندا اۋداندىق جۇمىسپەن قامتۋ ورتالىقتارى اشىلىپ، وسى باعىتتا شارالاردى ىسكە اسىرىپ كەلەدى. ورتالىققا 18 جاستان باستاپ زەينەتكەر جاسىنا دەيىنگى جۇمىسسىز ازاماتتار كەلىپ، جۇگىنۋگە قۇقىلى.
ءوز كەزەگىندە ءماجىلىس دەپۋتاتتارى «AMANAT» پارتياسىنىڭ 2021-2025 جىلدارعا ارنالعان سايلاۋالدى باعدارلاماسىن ىسكە اسىرۋ ماقساتىندا دايىندالعان جول كارتاسىن ءتيىمدى ءجۇزەگە اسىرۋ ماسەلەلەرىن پىسىقتاپ، اتاۋلى الەۋمەتتىك كومەك تاعايىندالعان تۇرعىندار تۋرالى كەڭىنەن اقپارات الدى.
ب.بەكجانوۆتىڭ ايتۋىنشا، ورتالىق ەڭبەك نارىعىندا سۇرانىسقا يە ماماندىقتار بويىنشا قىسقا مەرزىمدءى كاسىپتىك وقىتۋدى جوعارى دەڭگەيدە ۇيىمداستىرعان.
كەزدەسۋ بارىسىندا جول كارتاسىندا جوسپارلانعان اگروكەشەن ايماعىن سالۋ، جىلىجاي، سونداي-اق، ستۋدەنتتەرگە ارنالعان جاتاقحانالاردى ۋاقىتىلى سالۋ ماسەلەلەرى تالقىلاندى.
وسى كۇنى ءماجىلىس دەپۋتاتى تىلەكتەس ادامبەكوۆ قاراعاندى وبلىسىنداعى اباي شاحتاسىنا بارىپ، ەڭبەك ۇجىمىمەن كەزدەستى. جيىندا شاحتەرلەر زەينەتكەرلىك جاستى تومەندەتۋ مەن ەلدەگى ازىق-تۇلىك پەن جىلجىمايتىن مۇلىك باعاسىنىڭ وسۋىنە شاعىمداندى.
تىلەكتەس ادامبەكوۆ زەينەتكەرلىك جاستى وزگەرتۋ ماسەلەءسى ءۇكىمەتتە دە، دەپۋتاتتىق كورپۋستا دا قارالىپ جاتقانىن جەتكىزدى.
پىكىر قالدىرۋ