تاريحشى، جازۋشى، قازاقتىڭ اۋىز ادەبيەتىن زەرتتەۋشىسى عالىم. فيلولوگيا عىلىمدارىنىڭ دوكتورى، مەملەكەت سىيلىعىنىڭ لاۋرەاتى (1984)، قازاقستاننىڭ حالىق جازۋشىسى (1996) - مۇحتار مۇقان ۇلى ماعاۋين 74 جاسقا كەلدى. 2 اقپان ۇلى جازۋشىنىڭ تۋعان كۇنى. "قامشى" ۇجىمى جازۋشىنىڭ تۋعان كۇنىنە قۇتتى بولسىن ايتادى.

مۇحتار مۇقان ۇلى ماعاۋين — 1940 جىلى 2 اقپاندا سەمەي وبلىسىنىڭ ءشۇبارتاۋ اۋدانىندا تۋعان. 1962 جىلى قازاق مەملەكەتتىك ۋنيۆەرسيتەتىنىڭ فيلولوگيا فاكۋلتەتىن، 1965 جىلى ونىڭ اسپيرانتۋراسىن بىتىرگەن. ەڭبەك جولىن 1965 جىلى باستادى. "قازاق ادەبيەتى" گازەتىندە ءبولىم مەڭگەرۋشىسى، 1967-1971 جىلدارى "جازۋشى" باسپاسىندا باس رەداكتوردىڭ ورىنباسارى، قازاق كسر عىلىم اكادەمياسىنىڭ م.اۋەزوۆ اتىنداعى ادەبيەت جانە ونەر ينستيتۋتىندا اعا عىلىمي قىزمەتكەر بولىپ ىستەگەن، ماسكەۋدە م.گوركيي اتىنداعى ادەبيەت ينستيتۋتىندا قازاق فولكلورى مەن قازاق ادەبيەتى تاريحى بويىنشا ارنايى لەكسيالىق كۋرستار جۇرگىزدى. 1983-1984 جىلدارى ەركىن شىعارماشىلىق قىزمەتتە، 1984-1986 جىلدارى "جازۋشى" باسپاسىنىڭ باس رەداكتورى. 1987 جىلى ەركىن شىعارماشىلىك قىزمەتتە، 1988 جىلدان بەرى "ءجۇلدىز" جۋرنالىنىڭ باس رەداكتورى.

«اقشا قار»، «ءبىر اتانىڭ بالالارى»، «قيانداعى قىستاۋ»، «كوك كەپتەر» پوۆەستەر مەن اڭگىمەلەر جيناقتارىنىڭ، «كوك مۇنار»، «شاقان شەرى» رومانداردىڭ، «الاساپىران» رومان-ديلوگيانىڭ، «قوبىز سارىنى» اتتى مونوگرافيانىڭ اۆتورى.

ءقازىر پراگادا تۇراتىن جازۋشى "شىڭعىس حان" رومانىن جازۋ ۇستىندە.

"قامشى"