قاراعاندىدا ءاليحان بوكەيحان اۋدانى اكىمىنىڭ ورىنباسارى پارا الدى دەگەن كۇدىكپەن ۇستالدى، دەپ جازادى ۆەچەرنايا كاراگاندا باسىلىمى.
اۋدان اكىمى ورىنباسارىنىڭ ۇستالعانى تۋرالى اقپاراتتى قاراعاندى وبلىسى بويىنشا سىبايلاس جەمقورلىققا قارسى كۇرەس دەپارتامەنتىنىڭ باسشىسى مۇرات تۇلەۋبايەۆ راستاعان.
اكىم ورىنباسارىمەن قاتار اكىمدىكتەگى باسقارمالاردىڭ ءبىرىنىڭ باسشىسى دا ۇستالعان.
"فاكت بولدى. مەن بۇل دەرەكتى راستايمىن. ءاليحان بوكەيحان اۋدانى اكىمىنىڭ ورىنباسارى مەن ءبولىم باسشىسى ۇستالدى. سوڭعىسى دەلدال بولعان. ولار تىكەلەي ءوز مىندەتتەرىنە كىرەتىن فۋنكسيالاردى ورىنداعانى ءۇشىن كاسىپكەردەن 500 مىڭ تەڭگە العان. ءقازىر وسىعان قاتىستى قىلمىستىق ءىس تەرگەلىپ جاتىر. ول ءالى اياقتالعان جوق. ق ر قىلمىستىق-پروسەستىك كودەكسىنىڭ 201-بابىنا سايكەس سوتالدى تەرگەپ-تەكسەرۋ مالىمەتىن تاراتۋعا قۇقىعىمىز جوق"، - دەدى مۇرات تۇلەۋبايەۆ.
پىكىر قالدىرۋ