جاساندى ينتەللەكتكە نەگىزدەلگەن ChatGPT بوتى "قاڭتار وقيعاسىنا" جەمقورلىق پەن ادام قۇقىعىنىڭ بۇزىلۋىنان تۋعان نارازىلىق شەرۋى دەگەن انىقتاما بەردى.
قامشى ءتىلشىسى بوتتان «قاڭتار وقيعاسى» تۋرالى سۇراعاندا ول جاڭاوزەن كوتەرىلىسى جايلى اقپارات شىعاردى. سوسىن 2022 جىلعى "قاڭتار وقيعاسى" دەپ ناقتىلاپ جازعاندا ChatGPT: "اقپاراتتىق بازام 2021 جىلعا دەيىنگى وقيعالاردى قامتيدى، ءبىراق وتكەن جىلى قازاقستاننىڭ ءار ايماعىندا جەمقورلىق پەن ادام قۇقىعىنىڭ تاپتالۋىنا، ساياسي-ەكونوميكالىق ماسەلەلەرگە قارسى شەرۋ بولعانىن بىلەمىن" دەپ جاۋاپ بەردى.
ChatGPT 2022 جىلدىڭ 30 قاراشاسىندا OpenAI كومپانياسى ىسكە قوسقان جاساندى ينتەللەكت نەگىزىندەگى چات-بوت. ول قويىلعان سۇراققا جاۋاپ بەرىپ، ديالوگ تۇرىندە جۇمىس ىستەيدى. بوت جۇزگە جۋىق تىلدە اقپارات ۇسىنا الادى. الايدا ونىن قازاق تىلىندەگى مالىمەتى شەكتەۋلى. ال اعىلشىن تىلىندەگى نۇسقاسى اپ-ساتتە فيلم سەناريىن، شىعارما، مازمۇنداما جازىپ بەرە الادى.
OpenAI-دى 2015 جىلى يلون ماسك پەن سەم التمان ىسكە قوسقان بولاتىن. ونىڭ نەگىزى ماقساتى – قاراپايىم ادامداردىڭ يگىلىگىنە قىزمەت ەتەتىن جاساندى ينتەللەكت قۇرۋ. جوباعا Microsoft 10 ملرد دوللار قارجى قۇيىپ، جاساندى ينتەللەكتتىڭ مۇمكىندىكتەرىن ونىمدەرىنە ەنگىزەتىنىن جاريالاعان. 2023 جىلعى اقپان ايىنىڭ باسىندا Reuters اگەنتتىگى بوتتى قولدانۋشىلار سانى 2 ايدا 100 ملن ادامدى قۇراعانىن حابارلادى.
پىكىر قالدىرۋ