قازاقستاندا اەس قۇرىلىسى بويىنشا رەسپۋبليكالىق رەفەرەندۋمعا جەرگىلىكتى ۋاقىت بويىنشا ساعات 07:00-دە داۋىس بەرۋ باستالدى.
مەملەكەتتىك جانە ورىس تىلدەرىندەگى داۋىس بەرۋ بيۋللەتەنىندە "ءسىز قازاقستاندا اتوم ەلەكتر ستانساسىنىڭ سالىنۋىمەن كەلىسەسىز بە؟" دەگەن سۇراق بار. ال سايلاۋشىنىڭ جاۋاپ نۇسقالارى: "ءيا، كەلىسەمىن" جانە "جوق، كەلىسپەيمىن".
سايلاۋشى كەز كەلگەن بەلگىنى ءوزى داۋىس بەرەتىن جاۋاپ نۇسقاسىنىڭ وڭ جاعىنداعى بوس شارشىعا قويادى.
داۋىس بەرۋ تىزىمىنە 12،3 ميلليونعا جۋىق قازاقستاندىق ەنگىزىلگەن.
6 قازان ساعات 18:00-دەگى جاعداي بويىنشا تىزىمدەرگە ەنگىزىلگەن ازاماتتاردىڭ جالپى سانىنىڭ 61،56%-ى بيۋللەتەن الدى.
ساعات 19.00-دەگى جاعداي بويىنشا شەتەلدە 13 ۋچاسكەنىڭ جۇمىسى اياقتالدى، 7358 استام قازاقستان ازاماتى ءوز داۋىسىن بەردى (داۋىس بەرۋگە 59،79 % قاتىستى).
پىكىر قالدىرۋ