Golden Boy پروموۋتەرلىك كومپانياسىنىڭ پرەزيدەنتى وسكار دە لا حوييا گولوۆكين-الۆارەس جەكپە-جەگىنىڭ مىندەتتى تۇردە وتەتىنىن حابارلادى. بۇل تۋرالى «قامشى» پورتالى tengrinews.kz-كە سىلتەمە جاساپ.

"كانەلو كوتتومەن جۇدىرىقتاسادى، ول الەم چەمپيونى تيتۋلىن يەمدەنگىسى كەلەدى. ول ورتا ەمەس، ءبىرىنشى ورتا سالماقتىڭ بوكسشىسى. سونىمەن قاتار، ول بولاشاقتاعى جەكپە-جەكتەرى تۋرالى ءسوز قوزعاعاندى ۇناتپايتىن ادام. كوتتومەن جەكپە-جەكتەن كەيىن باسقالار تۋرالى سويلەسۋگە بولادى. گولوۆكينگە كەلەتىن بولساق، بۇل كەزدەسۋ مىندەتتى تۇردە بولادى، - دەدى دە لا حوييا. - الۆارەس گولوۆكينمەن كەزدەسۋگە دايىن. تەك ول ءۇشىن قازاقستاندىق 155 فۋنتقا ءتۇسۋ كەرەك".

ەسكە سالا كەتەيىك، الۆارەس-كوتتو جەكپە-جەگى 21 قاراشادا وتەدى. بۇل جەكپە-جەكتە WBC بەلبەۋى ساراپقا سالىنادى. ولاردىڭ جەكپە-جەگى ارالىق سالماق دارەجەسىندە وتەدى.

ايتا كەتەيىك، گەنناديي گولوۆكين مەن باپكەرلەرى كەلەسى كەزدەسۋىن 2016 جىلدىڭ اقپان ايىندا وتكىزۋدى جوسپارلاپ وتىر. ساۋل الۆارەس پەن ميگەل كوتتو اراسىنداعى جەكپە-جەكتىڭ جەڭىمپازى وتانداسىمىزبەن جۇدىرىقتاسۋى ءتيىس.