جۇڭگو استاناسى پەكيندە «حالال» وندىرۋشىلەرىنىڭ فورۋمى وتۋدە. بۇل فورۋم قىتايداعى «حالال» وندىمدەرىمەن اينالىساتىن كاسىپورىنداردىڭ باسىن قوسادى. سونداي-اق، شەتەلدەگى مۇسىلمان كومپانيالاردا اتالمىش فورۋمعا قاتىسىپ، قىتايداعى «مۇسىلمان» تاعامدارىن وندىرۋشىلەرمەن ءوزارا ىسكەرلىك قارىم-قاتىناس ورناتۋ مۇمكىندىگىنە يە بولادى. باستى ماقسات – «حالال» ونىمدەردىڭ تارالىمىن ارتتىرىپ، ونىڭ داۋمىنا جۇڭگو مەملەكەتىنىڭ نازارىن اۋدارۋدى كوزدەيدى.
بۇل فورۋمعا قىتايداعى از ۇلت وكىلدەرى اراسىندا «جۇڭگو قازاق ستۋدەنتتەرى ۇيىمىنىڭ» جەتەكشىسى نۇرداۋلەت بوكەيحان ۇلى قاتىسۋدا. نۇرداۋلەتتىڭ ايتۋىنشا، جۇڭگو ەلىندە «حالال» وندىرىسىمەن نەگىزىنەن دۇڭگەن ۇلتىنىڭ كاسىپكەرلەرى اينالىسادى. ۇيعىر كومپانيالارى دا قۇر الاقان ەمەس. سوندىقتان، الداعى ۋاقىتتا قىتايداعى قازاقتاردى دا وسى ءوندىرىستى دامىتۋعا جەبەۋ كەزەك كۇتتىرمەيتىن ءىس. «ونسىزدا اسپان استى ەلىندە قازاق تاعامدارىنىڭ سۇرانىسى ايتارلىقتاي جوعارى. تەك سونى جۇيەلى ناسيحاتتاپ، ءوندىرىس كولەمىن ارتتىۋ قاجەت» – دەيدى نۇرداۋلەت بوكەيحان ۇلى.
ايتا كەتەرلىگى، قىتايدا كەز كەلگەن ءونىمنىڭ قورابىنا «حالال» نەمەسە حالال ەمەستىگى جايلى اقپارات بەرىلۋ مىندەتتى.
پىكىر قالدىرۋ