قازاق زيالى قاۋىمى كەدەندىك وداق جاعدايىندا قازاق ءتىلىنىڭ وركەندەيتىنىنە مۇلدە سەنبەيدى. كەرىسىنشە، پۋتين بيلىگى تۇسىندا قازاقستانعا رەسەي ىقپالى ودان سايىن كۇشەيە تۇسەدى دەيدى قايراتكەرلەر. ال، حالىق مۇددەسىن قورعاۋعا ءتيىس قازاقستان پارلامەنتى ۇلتتىق ماسەلەدە ۋكراين راداسى سياقتى كۇرەسە الا ما؟

تەمىرحان مەدەتبەك، اقىن: -ەشقانداي دا كۇرەسە المايدى. ويتكەنى ءبىزدىڭ دەپۋتاتتارىمىز سونداي جىگەرسىز، سونداي نامىسسىز. قاجەتتىلىك تۋماي قازاق ءتىلى مارتەبەسى كوتەرىلمەيدى. قاجەتتىلىك تۋدىرۋ كەرەك. اقىن تەمىرحان مەدەتبەكتىڭ ايتۋىنشا، قازاقستاندا 80 پايىز حالىق قازاقشا سويلەيدى دەگەن جالعان ءسوز. ونىڭ ايتۋىنشا، بيلىك قازاق ءتىلىن قولعا الماي، ەشتەڭە وزگەرمەيدى. ال، جازۋشى گەرولد بەلگەردىڭ پىكىرىنشە، "قازاق دەپۋتاتتارى ءتىل ماسەلەسىن پارلامەنتتە قويا المايدى دا، قويمايدى. وعان دەپۋتاتتاردىڭ ورەسى جەتپەيدى، تۇسىنىگى تار. سوندىقتان، ولاردان ەشقاشان ءۇمىت كۇتۋگە بولمايدى"- دەيدى جازۋشى. سوڭعى ساناق ناتيجەسى بويىنشا، قازاقستانداعى حالىقتىڭ 70 پايىزى قازاقشا سويلەيدى. الايدا، كوپتەگەن مەملەكەتتىك ورگاندار ءىستى قازاق تىلىندە جۇرگىزۋگە قۇلىقسىز. بىرنەشە مينيستر قازاق تىلىندە مۇلدە بايانداما جاساي المايدى. ال، تاۋەلسىزدىك العالى پارلامەنتتە تەك ەكى زاڭ عانا قازاق تىلىندە قابىلدانعان. قالعانى - اۋدارما.

31 تەلەارنا