قورعاس شەكارا ماڭى حالىقارالىق ورتالىعىندا جاڭا قالا باس كوتەرمەك. بۇل تۋرالى مامىردىڭ 26-شى جۇلدىزى كۇنى ەلباسىنىڭ الماتى وبلىسىنا جاساعان ساپارى كەزىندە مەملەكەت باسشىسىنىڭ حابارلاعاندىعىن قازاقپارات جەتكىزدى.
«قورعاس-الماتى اراسىندا اۆتوكولىك جولى سالىنادى. قىتايمەن ساۋدا-ساتتىق وسەدى. قورعاستا اۋەجاي بوي تۇزەيدى. تۇرعىن ءۇي جانە تاعى باسقا دا ينفراقۇرىلىمدار سالىنىپ، ول جەردە بارلىعى بولادى. سول قالانى الماتىمەن بايلانىستىراتىن بارلىق دالىزدەر سالىنادى»،-دەدى مەملەكەت باسشىسى.
«بۇگىن مەن ءۇشىن ۇلكەن وقيعا. قورعاس-جەتىگەن تەمىر جولى وتكەلىن كوردىم. ەندى ساۋدا مەن تاسىمالداۋ كولەمى 50 ملن. تونناعا دەيىن ۇلعاياتىن بولادى. بۇل قازاقستان ەكونوميكاسىنىڭ دامۋى ءۇشىن جانە ۇلكەن جۇڭگو نارىعىن قولدانۋ ءۇشىن كەرەك»،- دەدى ق ر پرەزيدەنتى نۇرسۇلتان نازاربايەۆ.
قامشى سىلتەيدى
پىكىر قالدىرۋ