Total.kz سايتىنىڭ حابارلاۋى بويىنشا  «Vلاست» ينتەرنەت-جۋرنالى قازاقستان ايماقتارىنىڭ ەڭ بەدەلدى اكىمدەرنىڭ رەيتينگىن قۇرعان. . ايماق باسشىسىنىڭ "بەدەلدىگى" "ءوز ەركىمەن شەشىم قابىلداي الۋى" جانە "ەل دەڭگەيىندەگى بايلانىستاردىڭ بولۋىنا"  قاراي باعالانعان. بارلىق وبلىس اكىمدەرى قاتىسقان رەيتينگ ناتيجەسى  ساراپشىلار اراسىندا جۇرگىزىلگەن ساۋالناما نەگىزىندە انىقتالدى. ساۋالناماعا 80-گە جۋىق مامان قاتىسقان. ولاردىڭ ىشىندە ساياساتتانۋشىلار، جۋرناليستەر، ەكونوميستەر جانە الەۋمەتتانۋشىلار، قوعام قايراتكەرلەرى دە بار.

عالامتور جۋرنالىنىڭ رەداكسياسى ساراپشىىلاردى  اكىمدەرگە بەدەلدىلىگى بويىنشا باعا قويۋىن سۇراعان.  باسىلىم "باسقا رەيتينگتەگىلەردەي وزدەرىنىڭ رەيتينگى دە ناعىز وبەكتيۆتىلىككە قۇرىلعان" دەپ ايتا المايتىنىن ەسكەرتىپ، ۇزدىكتەر تەك ساراپشىلاردىڭ پىكىرى بويىنشا انىقتالعانىن جەتكىزىپتى.

سونىمەن ۇزدىك اكىم رەتىندە 2008 جىلى استانا اكىمى بولىپ تاعايىندالعان 55 جاسار يمانعالي تاسماعامبەتوۆ تانىلسا، ەكىنشى ورىندى قانجىعاسىنا بايلاعان احمەتجان ەسىموۆ بولدى. ال قولا جۇلدە يەگەرى رەتىندە ماڭعىستاۋ وبلىسىنىڭ اكىمى باۋىرجان مۇحامەدجانوۆ ءتامامدايدى.ءتورتىنشى ورىندا  وقو اكىمى اسقار مىرزاحمەتوۆ، اقمولا وبلىسىنىڭ باسشىسى قايرات قوجامجاروۆ، اتىراۋ وبلىسىنىڭ اكىمى بەرگەي رىسقالييەۆ، جامبىل وبلىسىنىڭ اكىمى قانات بوزىمبايەۆ، قاراعاندى وبلىسىنىڭ اكىمى ءابىلعازى قۇسايىنوۆ، شقو اكىمى بەردىبەك ساپاربايەۆ جانە قىزىلوردا وبلىسىنىڭ اكىمى بولاتبەك قۋاندىقوۆ  قانجىعالارىنا بايلادى..