قاراشانىڭ توعىزىنشى جۇلدىزىندا باستالاتىن كومەديا جانرىنداعى «بريگادا» اتتى تەلەحيكايا  31 ارنانىڭ ءوز ءونىمى. سيۋجەت تارتىمدى كەيىپكەرلەر، شىتىرمانعا تولى وقيعالارىمەن ەرەكشەلەنەدى. اۋقىمدى سەريالدىڭ ساۋندترەگى رەتىندە جاس ءانشى سەرىك يبراگيموۆتىڭ «جاياۋ» ءانى تاڭدالدى. سونداي-اق كورەرمەندەر سوڭعى كەزدە ءار ءانى حيتقا اينالىپ جۇرگەن سەرىكتى اكتەرلىك قىرىنان تانيتىن بولادى. 

تەلەحيكايادا  شەت ەلدە ءبىلىم الىپ، باستىق بولۋدى ارماندايتىن جاس جىگىتتىڭ تاعدىرى باياندالادى. ءبىراق، كەرىسىنشە ءومىردىڭ اششىسى مەن تۇششىسىن بىرگە كورسىن دەگەن نيەتتە داۋلەتتى اكە بالاسىن قارا جۇمىسقا سالادى. كاسىپكەر بولامىن دەگەن جىگىت وسىلاي قاراپايىم جۇمىسشىعا اينالادى. قيىن جۇمىس ىستەپ كورمەگەن دانيار العاشقى كۇنى-اق قاشىپ كەتۋدىڭ امالىن قاراستىرادى! الايدا، اياق-استىنان بارىنەن باس تارتادى. مۇنداي شەشىمگە كەلگەن باي بالاسىنا نە كەدەرگى بولدى ەكەن؟ ول جاعىن ازىرگە قۇپيا ۇستايىق. 

9-شى قاراشادان باستاپ ساعات 23.00 «31 ارنا» ەفيرىنەن كورسەتىلەدى!