لاتۆيانىڭ مەملەكەتتىك ءتىل ورتالىعى ەل تۇرعىندارىنا جۇمىس ورىندارىندا تەك لاتىش تىلىندە سويلەۋدى تالاپ ەتكەن ۇندەۋ جاريالادى. بۇل تۋرالى «قامشى» پورتالى inforesist.org–گە سىلتەمە جاساپ حابارلايدى.
بۇل تالاپ بارلىق سالانىڭ جۇمىسشىلارىنا قاتىسى بار كورىنەدى. اسىرەسە، دۇكەندەر، قوعامدىق كولىكتەر مەن كەڭسە، مەكەمەلەر سىندى حالىققا قىزمەت كورسەتۋ ورىندارىندا تەك مەملەكەتتىك تىلدە ءتىل قاتىسۋعا اسا قاتتى ءمان بەرىلگەن.
«ورىس دياسپوراسى وكىلدەرى ءوزارا ورىس تىلىندە سويلەسۋ ارقىلى لاتىش تىلىنە ءقاۋىپ توندىرەدى جانە قۇرمەتسىزدىك تانىتادى» دەلىنگەن ۇندەۋدە.
مۇنداي شەشىم تۇرعىندار تاراپىنان كەلگەن ارىز-شاعىمدار نەگىزىندە جاسالعان. قوعامدىق ورىندا، باسقا ادامداردىڭ اراسىنداعى ەكەۋارا اڭگىمە اينالاسىنا ەستىلەتىن بولسا «رەسمي سيپات» الاتىندىقتان، لاتىن تىلىندە بولۋى كەرەك ەكەندىگى ۇندەۋدە اشىق ايتىلعان.
«قىزمەتكەرلەر ءوز قىزمەتتىك مىندەتتەرىن اتقارا وتىرىپ ءوزارا شەت ەل تىلىندە سويلەسۋىنە جول بەرىلمەۋى كەرەك» دەي كەلە، ورتالىق لاتۆيا – لاتىش ءتىلى دامىپ، كەڭ تاراي الاتىن الەمدەگى جالعىز ەل ەكەنىن ەسكە سالعان.
ۇندەۋگە ساي ەندى لاتۆياداعى ۇيىم، مەكەمە باسشىلارى ءوز باعىنىشتىلارى اراسىندا قىزمەت بابىندا تەك مەملەكەتتىك ءتىلدى قولدانۋ تۋرالى تۇسىندىرمە جۇمىستارىن جۇرگىزۋدە.
PS.: كەشە عانا كسرو شەكپەنىنەن شىققان وداقتاس ەلدىڭ بۇل باتىل باستاماسى وتكەننىڭ ەلەسىنەن الىكۇنگە ارىلا الماي جۇرگەن قازاقستاندىقتارعا وي سالسا يگى.
دارحان مۇقان
