ءۇندىستاندىق وقۋشىسى رۋبەن پول ۇيالى تەلەفوندارعا ارنالعان قوسىمشالار ازىرلەۋ كومپانياسىنىڭ باس ديرەكتورى بولىپ تاعايىندالدى. بۇل تۋرالى «قامشى» پورتالى Baq.kz-كە سالتەمە جاساپ حابارلايدى.

9 جاسار ۆۋندەركيند ءموبيلدى قوسىمشالار قۇراستىراتىن جەكە كومپانياسىن باسقارادى جانە كيبەرقاۋىپسىزدىك تاقىرىبىنداعى كونفەرەنسيالاردا ءسوز الىپ ءجۇر.

«رۋبەن اقپاراتتىق تەحنولوگيالارعا 5 جاسىنان باستاپ قىزىعا باستادى. وسى كەزدە-اق Scratch باعدارلاماسىن ايتارلىقتاي مەڭگەرىپ الدى. ءبىراز ۋاقىت وتكەن سوڭ، بىرنەشە باعدارلامانى ۇيرەندى. ول ماتەماتيكا پانىنەن ەسەپتەردى شەشۋگە كومەك بەرەتىن ءوزىنىڭ العاشقى قوسىمشاسىن جاساپ شىقتى»، - دەدى رۋبەننىڭ اكەسى.

بۇگىنگى كۇنى رۋبەن پول "Prudent Games" كومپانياسىنىڭ باس ديرەكتورى بولسا، اكەسى بالاسىنا قولداۋ كورسەتىپ، بيزنەس-سەرىكتەس.