رەسەي فەدەراسياسى مەملەكەتتىك دۋماسىنىڭ تمد ىستەرى، ەۋرازيالىق ينتەگراسيا جانە وتانداستارمەن بايلانىس جونىندەگى كوميتەتىنىڭ ءتوراعاسى لەونيد سلۋسكيي ەۋرازيالىق ەكونوميكالىق وداق ەلدەرىنە ارنالعان ءبىرىڭعاي ەسەپ ايرىسۋ قۇرالىن ازىرلەۋ بويىنشا جۇمىس بەلگىلى-بىر قيىندىقتارعا قاراماستان جۇرگىزىلىپ جاتقانىن مالىمدەدى. بۇل تۋرالى «قامشى» پورتالى «ريا نوۆوستيگە» سىلتەمە جاساپ حابارلايدى.
بۇعان دەيىن رەسەي مەن قازاقستان 2025 جىلعا دەيىن ورتاق ۆاليۋتا تۋرالى ماسەلە قاراستىرىلمايتىنىن مالىمدەگەن ەدى. قاراشا ايىنىڭ باسىندا ارمەنيا ورتالىق بانكىنىڭ باسشىسى ارتۋر دجاۆاديان دا ەاەو ۆالبتاسى تۋرالى اڭگىمەگە ءالى ەرتە ەكەنىن ايتقان بولاتىن.
الايدا، رەسەيدىڭ ءبىرىنشى ارناسىنداعى «پوزنەر» باعدارلاماسىنا قاتىسقان ل. سلۋسكيي:
«جاقىندا بىزدە ورتاق ەسەپ ايىرىسۋ قۇرالى بولادى. ءقازىر وداققا مۇشە ورتالىق بانكتەر وسى ماسەلە بويىنشا جۇمىس ىستەۋدە. بۇل ءبىز ويلاعاننان قيىن جۇمىس ەكەن. داعدارىس فاكتورى دا ءرول ويناۋدا. ءبىراق جۇمىس ءجۇرىپ جاتىر» دەگەن ول ۆلاديمير پوزنەردىڭ ورتاق ۆاليۋتا قالاي اتالۋى مۇمكىن دەگەن سۇراعىنا: «كورەمىز. بالكىم «نۆراز» اتالار. مۇنى ءبىز ءالى اقىلداسامىز» دەپ جاۋاپ بەردى.
