زاڭگەر جانگەلدى سۇلەيمەنوۆ ءوزىنىڭ فەيسبۋكتەگى پاراقشاسىندا قازاق ءالىپبيىن لاتينيساعا كوشىرۋ ماسەلەسىنە قايتا ورالۋدى ۇسىندى. بۇل تۋرالى «قامشى» پورتالى حابارلايدى.

ج. سۇلەيمەنوۆتىڭ ويىنشا بۇگىندە قازاق ءتىلىن وقىپ، ۇيرەنۋدە ايتارلىقتاي ناتيجە بايقالىپ وتىرعان جوق. بۇل ەلدىڭ دامۋىنا كەدەرگى كەلتىرۋدە. «سەبەبى، قوعام قازاق ءتىلىن بىلەتىن جانە بىلمەيتىن ەكى ۇلكەن توپقا ءبولىنىپ قالعان. سوندىقتان، ولاردىڭ اراسىندا بەلگىلى-بىر دەڭگەيدە ءبىر-بىرىن تۇسىنبەۋشىلىك بار» دەي كەلە زاڭگەر قازاق ءتىلىن وقىتۋعا بۇگىنگى قولدانىلىپ جۇرگەن كيريلل ءالىپبيى كەدەرگى كەلتىرىپ وتىرعاندىعىن ايتادى.

«مەنىڭ ويىمشا، قازاق ءتىلىن وقىتۋ مەن ۇيرەنۋدەگى قيىندىقتاردىڭ ءبىر سەبەبى – كيريلل الفاۆيتىنە نەگىزدەلگەن قازاق الىپپەسى. بىزگە لاتىن الىپبيىنە كوشۋ كەرەك. سوندا ءبىزدىڭ الىپبيدە بار-جوعى 29 ءارىپ بولادى. بۇل ءتىل ۇيرەنۋدى الدەقايدا جەڭىلدەتەدى. لاتىندى ەنگىزە وتىرىپ گرامماتيكالىق رەفورمانى دا قاتار جۇرگىزۋ كەرەك» دەيدى زاڭگەر.

وسىدان 9 جىل بۇرىن پرەزيدەنت ن. نازاربايەۆ لاتىن الىپبيىنە كوشۋ ماسەلەسىنە ورالۋ كەرەك دەگەن بولاتىن. پرەزيدەنت ءبىر جارىم جىل ۋاقىت ىشىندە ماماندار ماسەلەنى مۇقيات زەرتتەپ، ناقتى ۇسىنىس ايتۋ كەرەك دەگەن ەلباسى ءسوزى كەيىن ۇمىتىلىپ كەتكەن ەدى.

زاڭگەر ج. سۇلەيمەنوۆ «لاتىن الىپبيىنە قازاق ءتىلىن مەڭگەرگەندەر وڭاي اۋىسا الادى، ال، قازاقشا بىلمەيتىندەرگە بۇل ءتىپتى وڭايعا سوعادى» دەگەن پىكىردە.

1929-1940 جىلدار ارالىعىندا قازاقستاندا لاتىن ءالىپبيى قولدانىلعانىن ەستەرىڭىزگە سالامىز.