اقتاۋ. قازاقپارات - ماڭعىستاۋ وبلىسىنىڭ قالالارى مەن ەلدى مەكەندەرىن دامىتۋعا 1 ملرد. تەڭگەدەن استام قارجى باعىتتالماق. بۇل تۋرالى ءوڭىر اكىمى اليك ايداربايەۆ  بەسىنشى سايلانعان وبلىستىق ءماسليحاتتىڭ 28ء-شى سەسسياسىندا ءمالىم ەتتى، ونىڭ بارىسىندا دەپۋتاتتار 2015-2017 جىلدارعا ارنالعان ماڭعىستاۋ وبلىسىنىڭ بيۋدجەتىنە وزگەرىستەر ەنگىزۋ جانە ناقتىلاۋ جونىندەگى ۇسىنىستى ءبىراۋىزدان قولدادى.

ءبىرقاتار باسىمدىقتى شىعىندارعا بيۋدجەت قاراجاتىن قايتا ءبولۋ جەرگىلىكتى بيۋدجەتتىڭ كىرىس بولىگىن 1 ملرد.-تان استام تەڭگەگە ۇلعايتۋدىڭ ەسەبىنەن مۇمكىن بولدى.

اقتاۋ قالاسىنىڭ اكىمدىگى قالالىق ءماسليحاتتىڭ قولداۋىمەن 600 ملن. تەڭگەدەن استام قارجىنى نەگىزگى كوشەلەر مەن قيىلىستاردى اباتتاندىرۋعا، شاعىناۋداندار اراسىنداعى جولداردى جوندەۋگە، كوشەلەردى جارىقتاندىرۋعا، سونىڭ ىشىندە مەرەكەلى كۇندەرى ساندىك كوركەمدەۋ جۇمىستارىنا، سونداي-اق جاڭا شاعىن اۋداندارداعى جولدار مەن ينجەنەرلىك جەلىلەردى سالۋ جۇمىستارىن جالعاستىرۋعا جۇمساۋدى ۇيعاردى. سونداي-اق قوقىس جينايتىن كونتەينەرلەر، 23 بىرلىك ارنايى تەحنيكا - قوقىس تاسيتىن جانە قار تازالايتىن ماشينالار ساتىپ الىنادى. 

قاراجاتتاردىڭ ءبىر بولىگى اۋىلداردىڭ ينفراقۇرىلىمىن دامىتۋعا جۇمسالادى.

 «جەرگىلىكتى اتقارۋ ورگاندارى ءۇشىن اۋىلداردى قاجەتتى ينجەنەرلىك كوممۋنيكاسيالارمەن قامتاماسىز ەتۋ ءارقاشان دا باسىمدىقتى ماسەلە بولىپ كەلەدى. وسى قاراجاتتار ەسەبىنەن مۇنايلى اۋدانىنداعى باتىر اۋىلىن ەلەكترلەندىرۋ جۇمىستارى جالعاستىرىلادى. اۋىلدىڭ سەرپىندى دامۋىن حالىق سانى وسۋىنەن بايقاۋعا بولادى. جىل باسىنان بەرى اۋىل تۇرعىندارىنىڭ سانى 1500 ادامنان 2700-گە دەيىن ءوستى، بۇعان ىشكى كوشى-قون مەن تابيعي ءوسىمنىڭ جوعارىلاۋى سەبەپ بولدى. مىسالعا، وتكەن جىلى مەكتەپتەگى وقۋشىلار سانى 511 ادام بولسا، بيىلعى 1 قىركۇيەكتەن مۇندا 924 بالا وقيدى»، - دەپ اتاپ ءوتتى ماڭعىستاۋ وبلىسىنىڭ اكىمى اليك ايداربايەۆ.

سونىمەن قاتار وبلىس بيۋدجەتىن ناقتىلاۋ ءتۇپقاراعان اۋدانىنىڭ سايىن شاپاعاتوۆ اۋىلىن گازداندىرۋ جۇمىسىن جالعاستىرۋعا 225 ملن. تەڭگەدەي اقشا بولۋگە مۇمكىندىك بەردى. جىل باسىنان بەرى اقشۇقىر جانە سايىن شاپاعاتوۆ اۋىلدارىندا ەلەكتر جەلىسىن تارتۋعا، گازداندىرۋعا، سۋمەن جابدىقتاۋعا 2 ملرد. تەڭگەدەن استام بيۋدجەتتىك ينۆەستيسيالار ءبولىندى.

سەسسيادا اتاپ كورسەتىلگەندەي، كىرىسكە تۇسكەن بارلىق قارجى قايتا بولۋدەن كەيىن جاڭا ينۆەستيسيالىق جوبالارعا ەمەس، بۇرىن باستالعان جۇمىستاردى جالعاستىرۋعا جۇمسالماق. ال جاڭا باستامالارعا قاتىستى ايتار بولساق، ەڭ قاجەتتى جوبالار عانا (مەكتەپ قۇرىلىسى، بالاباقشالار، دەنساۋلىق ساقتاۋ نىساندارى) قارجىلاندىرىلاتىن بولادى.

دەرەككوز: قازاقپارات