قازاقستاندىق كاسىپقوي بوكسشى قانات يسلام كەلەسى كەزدەسۋىن قىتايدا وتكىزۋى مۇمكىن. بۇل تۋرالى بوكسشىنىڭ فەيسبۋك الەۋمەتتىك جەلىسىندەگى پاراقشاسىندا جاريالاندى.
اسپان استى ەلىندەگى كەزدەسۋ قازاقستاندىق بوكسشىنىڭ الداعى جىلعى العاشقى جەكپە-جەگى بولماقشى. بۇعان دەيىن تانىمال مەسەنات باۋىرجان وسپانوۆ قانات يسلامنىڭ كاسىبي بوكستا الەمدىك جەتەكشى كومپانيامەن كەلىسىمشارت جاساساتىنىن، سونىمەن قاتار قازاقستاندىق بوكسشىعا امەريكا مەن قىتايدا قىزىعۋشىلىقتىڭ جوعارى ەكەنىن ايتقان بولاتىن.
جۇڭگو حالىق رەسپۋبليكاسى قاناتتىڭ ءبىر رەت جۇڭگو بوكس الاڭىندا WBA نۇسقاسى بويىنشا ويىن كورسەتۋىن ءوتىنىپ وتىر. سەبەبى، WBا نۇسقاسى بويىنشا وتكىزىلەتىن مۇنداي جۇدىرىقتاسۋعا قىزىعۋشىلاردىڭ سانى وتە كوپ. ول وتكىزىلەتىن ورىنعا قىرۋار پايدا اكەلەرى ءسوزسىز.
ەسكە سالساق، قانات يسلام 8 قاراشادا دومينيكان رەسپۋبليكاسىنىڭ بوكسشىسى، 31 جاستاعى دجوناتان باتيستامەن كەزدەسكەن بولاتىن. ول قارسىلاسىن ءبىرىنشى راۋندتا نوكاۋتقا ءتۇسىردى.
