استانا. قازاقپارات - اقتاۋ قالاسى بويىنشا «وڭىرلەردى دامىتۋدىڭ 2020 جىلعا دەيىنگى باعدارلاماسىن» جۇزەگە اسىرۋ ماقساتىندا» قالا اكىمدىگى «قتقجب جەلىسى بويىنشا «حالىقتىڭ بارلىق ساناتىنا ارنالعان تۇرعىن ءۇي» باعىتى بويىنشا تۇرعىن ءۇي الۋعا قالا اكىمدىگىنىڭ تۇرعىن ءۇي كەزەگىندە تۇرعان ازاماتتاردان وتىنىشتەردىڭ قابىلداناتىندىعىن حابارلايدى، دەپ جازادى aktau.gov.kz.
1 شارشى مەترىنىڭ باعاسى 115 مىڭ تەڭگە تۇراتىن، جايلىلىعى ءىىى سىنىپتى تازا سىلاقتالعان تۇرعىن جايلار كەلەسىدەي كولەمدە ۇسىنىلادى.
32 ا شاعىن اۋدانداعى تۇرعىن ۇيدەن ەكى بولمەلى 60 پاتەر. پاتەرلەردىڭ اۋدانى 53،4 م2 باستاپ 55،2 م2 دەيىن.
ءتيىستى تابىس دەڭگەيى بولعان كەزدە باعدارلاما قاتىسۋشىسىنا تۇرعىن ءۇي جەكە مەنشىككە نەمەسە ساتىپ الۋ قۇقىعىمەن جالعا الۋعا بەرىلەدى.
وسى باعدارلاماعا قالا اكىمدىگىنىڭ تۇرعىن ءۇي كەزەگىندە تۇرعان كەلەسىدەي توپتارعا جاتاتىن ازاماتتار قاتىسا الادى:
1. جەتiم بالالار، اتا-اناسىنىڭ قامقورلىعىنسىز قالعان بالالار؛
2. ۇلى وتان سوعىسىنىڭ مۇگەدەكتەرى مەن قاتىسۋشىلارىنا تەڭەستىرىلگەن ادامدار؛
3. مۇگەدەك بالالارى بار نەمەسە ولاردى تاربيەلەۋشi وتباسىلارى؛
4. جاسىنا قاراي زەينەت دەمالىسىنا شىققان زەينەتكەرلەر؛
5. ەكولوگيالىق زiلزالالار، تابيعي جانە تەحنوگەندi سيپاتتاعى توتەنشە جاعدايلار سالدارىنان تۇرعىن ءۇيiنەن ايىرىلعان ادامدار؛
6. كوپ بالالى وتباسىلار؛
7. تولىق ەمەس وتباسىلار.
8. مەملەكەتتiك قىزمەتشiلەر، بيۋدجەتتiك ۇيىمداردىڭ قىزمەتكەرلەرi، اسكەري قىزمەتشiلەر، ارناۋلى مەملەكەتتىك ورگان قىزمەتكەرلەرى جانە مەملەكەتتiك سايلانبالى قىزمەت اتقاراتىن ادامدار؛
ادام باسىنا پايدالى الاڭىنىڭ كولەمى كەمىندە ون بەس شارشى مەتر جانە ون سەگىز شارشى مەتردەن اسپايتىن، ءبىراق كەمىندە ءبىر بولمەلى پاتەر نەمەسە جاتاقحاناداعى بولمە بولعان كەزدە تۇرعىن ءۇي جاعدايىن جاقسارتۋ ماقساتىمەن تۇرعىن ۇيگە مۇقتاجدار ەسەبىندە تۇرعان ادامدار باعدارلاماعا قاتىسۋعا جىبەرىلمەيدى.
ءوتىنىش بەرۋشىلەر مىناداي قۇجاتتاردى تاپسىرادى:
1) ءوتىنىش بەرۋشى مەن ونىڭ وتباسى مۇشەلەرىنىڭ جەكە باسىن كۋالاندىراتىن قۇجات (كوشىرمەلەر)؛
2) نەكە قيۋ (نەكەنى بۇزۋ)، جۇبايىنىڭ/زايىبىنىڭ قايتىس بولۋى تۋرالى، بالالارىنىڭ تۋۋ تۋرالى كۋالىكتەرى (كوشىرمەلەر)، ءوتىنىش بەرۋشىنىڭ نەكەدە تۇرمايتىندىعى تۋرالى ءوتىنىش؛
3) ءوتىنىش بەرۋشىنىڭ جانە ونىمەن ۇنەمى بىرگە تۇراتىن وتباسى مۇشەلەرىنىڭ قازاقستان رەسپۋبليكاسىنىڭ اۋماعى بويىنشا مەنشىك قۇقىعى بار ءۇيىنىڭ نەمەسە كەيىننەن ساتىپ الۋ قۇقىعىمەن جالعا بەرىلەتىن تۇرعىن ءۇيدىڭ بولۋى نەمەسە بولماۋى تۋرالى انىقتاما؛
4) ءوتىنىش بەرۋشىنىڭ جانە ونىمەن ۇنەمى بىرگە تۇراتىن وتباسى مۇشەلەرىنىڭ ءتيىستى ەلدى مەكەندە تۇراتىنىن راستايتىن تۇرعىلىقتى جەرى بويىنشا تىركەلگەنى تۋرالى مەكەنجاي انىقتاماسى؛
5) جۇمىس ورنىنان انىقتاماسى (مەملەكەتتiك قىزمەتشiلەرگە، بيۋدجەتتiك ۇيىمداردىڭ قىزمەتكەرلەرiنە، اسكەري قىزمەتشiلەرگە، ارناۋلى مەملەكەتتىك ورگان قىزمەتكەرلەرىنە جانە مەملەكەتتiك سايلانبالى قىزمەت اتقاراتىن ادامدارعا)؛
6) وتباسى مۇشەلەرىنىڭ مۇگەدەكتىگىن نەمەسە كەيبىر سوزىلمالى اۋرۋلاردىڭ اۋىر ءتۇرىنىڭ بولۋىن راستايتىن انىقتاما؛
7) باعدارلاماعا قاتىسۋعا ءوتىنىش بەرگەن ساتتە كەزەكتىلىك ءنومىرىن كورسەتە وتىرىپ، تۇرعىن ۇيگە مۇقتاجداردىڭ ەسەبىنە قويۋ تۋرالى انىقتاما؛
8) ءوتىنىش يەسىنىڭ تابىستار العانىن راستايتىن انىقتاما.
قۇجاتتاردى قابىلداۋ مىنا مەكەن-جاي بويىنشا جۇرگىزىلەدى:
4 شاعىن اۋداندا ورنالاسقان، اقتاۋ قالاسى اكىمدىگىنىڭ سەرۆيستىك ورتالىعىنداعى جۇمىس كۇندەرى: ساعات 09.00-دەن باستاپ ساعات 18.00-گە دەيىن، تۇسكى ءۇزىلىس ساعات 12.00-دەن باستاپ ساعات 14.00-گە دەيىن.
ءوتىنىش قابىلداۋدىڭ باستالۋى - 2015 جىلدىڭ 03 قاراشاسى، ساعات 09.00-دەن باستاپ.
ءوتىنىش قابىلداۋدىڭ اياقتالۋى - 2015 جىلدىڭ 05 قاراشاسى، ساعات 18.00.
ەسكەرتپە:
مەملەكەتتىك مەكەمەلەر مەن قازىنالىق كاسىپورىندار شارۋاشىلىق جۇرگىزۋ قۇقىعىنداعى مەملەكەتتىك كاسىپورىنعا قايتا ۇيىمداستىرىلعان جاعدايدا، اتالعان سانات بويىنشا تۇرعىن ۇيگە مۇقتاجدار ەسەبىندە تۇرعان ادامدار «بيۋدجەتتىك ۇيىمداردىڭ قىزمەتكەرلەرى» ساناتىنا تەڭەستىرىلەدى
دەرەككوز: قازاقپارات
