ماجىلىستە پالاتا سپيكەرى قابيبوللا جاقىپوۆتىڭ ءتوراعا­لىعىمەن وتكەن جالپى وتىرىس­تا دەپۋتات باقىتبەك سماعۇل قازاقستان رەسپۋبليكاسىنىڭ قور­عانىس ءمينيسترى يمانعالي تاس­ماعامبەتوۆكە دەپۋتاتتىق ساۋال جول­دادى. وندا بىلاي دەلىنەدى:

«بۇل ساۋالدى جولداۋعا قازاق­ستان رەسپۋبليكاسى امبەباپ جەكپە-جەك فەدەراسياسىنىڭ پرەزيدەنتى مەن وسى سالادان حالىقارالىق جانە قازاقستاننىڭ ەڭبەك سىڭىرگەن سپورت شەبەرلەرىنىڭ جولداعان حاتى سەبەپ بولىپ وتىر. وزىڭىزگە بەلگىلى، ەلباسى ن.ءا.نازاربايەۆ حالىققا جول­داۋىندا الداعى جىلداردا ەل تۇرعىندارىنىڭ كەمىندە 30%-ى بۇقارالىق سپورت تۇرلەرىمەن اينالىسۋى قاجەتتىگىن باسا ايتتى. مەملەكەت باسشىسى بەلگىلەگەن وسى مە­جەگە قول جەتكىزۋگە ەلىمىزدىڭ امبەباپ جەكپە-جەك فەدەراسياسى دا ۇلەس قوسىپ كەلەدى.

2010 جىلى ءوز جۇمىسىن باس­تاعان سپورتتىڭ بۇل ءتۇرى بالالار مەن جاستاردىڭ سپورتقا تارتىلۋىنا وتە كۇشتى ىقپال ەتىپ وتىر. ونىڭ ۇستىنە، امبەباپ جەكپە-جەك سپورتشىلارى ءوز جەڭىستەرىمەن وتانىمىزدىڭ بەدەلىن حالىق­ارا­لىق دەڭگەيدە ارتتىرا تۇسۋدە. بۇل رەتتە، فەدەراسيانىڭ قارقىن­دى دا جەمىستى جۇمىسىن اتاپ وتكەن ءجون. وسىعان دالەل، 2011-2013 جىلدار ارا­لىعىندا سپورتشىلارىمىز اناپا، مەدىن، كالينينگراد قالا­لارىندا ۇيىمداستىرىلعان الەم چەمپيوناتتارىندا، سونداي-اق، تاش­كەنت قالاسىندا وتكەن ازيا چەم­پيو­ناتىندا بارلىق جۇلدەلى ورىن­داردان كورىندى. ەشقاشان قور­جىن­دارى التىن، كۇمىسسىز بوس قاي­تىپ كورگەن ەمەس.

امبەباپ جەكپە-جەك 2014 جىل قورى­تىندىسىندا ۇلتتىق قۇرا­ما كوماندالار تىزىمىنە، نەگىزگى رەسپۋب­ليكالىق جانە حالىقارالىق جارىس­تاردىڭ كۇنتىزبەلىك جوسپارىنا، ءتورت جىلدىق وليمپيادا كەزەڭىن­دەگى بىلىكتىلىك تالاپتارى كىتاپ­شالارىنا كىردى. وسى كەزدەن باس­تاپ اتالعان سپورت ءتۇرى جوعارى سپورتقا قاراي ۇلكەن سەرپىلىس جاسادى.

بىلتىر دۋشانبە قالاسىندا 10 ەلدىڭ قاتىسۋىمەن وتكەن ازيا چەم­پيوناتىندا قازاقستان قۇراما كومانداسى جالپى ەسەپتە 3-ورىنعا شىقسا، 2014 جىلعى ماسكەۋدەگى الەم چەمپيوناتىندا دا وتاندىق قۇراما كوماندامىز 35 مەملەكەتتىڭ باسىم كوپشىلىگىن ارتتا قالدىرىپ، ۇزدىك ۇشتىكتىڭ قاتارىنان كورىندى. بۇگىندە 14 وبلىس پەن استانا، الماتى قالا­لارىندا جاس ەرەكشەلىكتەرى بويىنشا امبەباپ جەكپە-جەكپەن شۇ­عىل­دانۋشىلاردىڭ جانە جاتتىقتىرۋشىلاردىڭ سانى شامامەن 1500 ادامعا جەتتى. 2014 جىلعا قويىلعان ماقساتتى سپورتشىلار تولىعىمەن ورىنداپ شىقتى. ال ۇستىمىزدەگى جىلى تاشكەنت قالاسىندا وتكەن ازيا چەمپيوناتىندا ءبىزدىڭ سپورتشىلار جاڭا بەلەستى باعىندىرىپ، 11 مەملەكەتتىڭ ىشىندە جالپى-كوماندالىق ەسەپتە 2ء-شى تۇعىرعا كوتەرىلدى.

بۇل سپورت ءتۇرى بويىنشا جا­رىستاردى فەدەراسيا رەسپۋب­لي­كا كولەمىندە دە ۇدايى ۇيىم­داس­تىرىپ تۇرادى. بۇگىنگى تاڭدا اق­توبە، اتىراۋ، ماڭعىستاۋ، قى­زىل­وردا، الماتى، وڭتۇستىك قازاق­ستان، اقمولا وبلىستارىندا جانە اس­تانا، الماتى، بايقوڭىر قالا­لارىندا فەدەراسيالار اشىلىپ، ارىستان، سۇڭقار، ارلان، بەر­كۋت، ۇلتتىق ۇلان، ايبىن جاۋىن­گەرلەرى ءوز ونەرلەرىن ورتاعا سالىپ، كۇش سىناسىپ كەلەدى.

قۇرمەتتى يمانعالي نۇرعا­لي ۇلى! ءبىز قازاقستان سپورتى ءۇشىن الەم الدىندا اشىق ماقتانا الامىز. بۇل جەردە ءوزىڭىز باسقارىپ وتىرعان قورعانىس مينيسترلىگىنىڭ دە ەل سپورتىنا جاساپ وتىرعان قامقورلىعى جەتەرلىك. وسى ورايدا، اتالعان سپورت ءتۇرى قازاقستان رەسپۋبليكاسى قورعانىس مينيستر­لىگىمەن بىرلەسە وتىرىپ، ءارى قا­راي دامىتىلسا دەگەن ۇسىنىس بار. ­سەبەبى، – بۇل جاۋىنگەرلىك سپورتتىڭ ءتۇرى.

وسى ماقساتتا امبەباپ جەكپە-جەكتى اسكەري جارىستار، باسقا دا ءىس-شارالارعا قوسۋ، ول بويىنشا اسكەري بىرلىكتەردە سپورتتىق ءبولىم­دەر اشۋ مۇمكىندىگىن قاراس­تىرۋىڭىزدى سۇرايمىن. سەبەبى، وسى سپورت تۇرىندەگى كەدەرگى جولداردان ءوتۋ، پنيەۆماتيكالىق تاپانشامەن نىسانانى كوزدەپ اتۋ جانە سپورتتىق پىشاقتى دالدەپ لاقتىرىپ، نىساناعا ءدوپ تيگىزۋ سياقتى جاتتىعۋلار جاۋىنگەرلىك دايىندىققا وتە ۇلكەن كومەگىن تيگىزەدى، قازاقستان قارۋلى كۇش­تەرىنىڭ جاۋىنگەرلەرىن ەپتىلىككە، ءتوزىم­دىلىككە، باتىلدىققا باۋلىپ، ولار­دان سايدىڭ تاسىنداي ىرىك­تەلگەن سايىپقىران سارباز جاسايدى دەپ بىلەمىن».

دەرەككوز: ەگەمەن قازاقستان