وبلىستىڭ وڭدى جوبالارى
وسىدان ءۇش جىل بۇرىن باقتىقوجا ىزمۇحامبەتوۆ اتىراۋ وبلىسىنىڭ اكىمى بولىپ تاعايىندالدى. سول كۇننەن باستاپ جاڭا اكىم الدىمەن ايماقتىق يدەولو­گيالىق، سوسىن يندۋستريالاندىرۋ باعى­تىن جانداندىردى. شىنى كەرەك، باقتىقوجا ىزمۇحامبەتوۆ اتىراۋعا كەلگەندە، وبلىستا، وبلىس قانا ەمەس-اۋ رەسپۋبليكادا ءوندىرىلىپ كورمەگەن ونىمدەردىڭ شىعارىلۋىن جولعا قويدى.
«نۇرلى جول» باعدارلاماسى بويىنشا ۇلتتىق قوردان اتىراۋ وبلىسىنداعى 6،9 ملرد تەڭگەگە 32 جوبا قارجىلاندىرىلدى. تىزە بەرسەك، وسىنداي وڭدى ىستەردى اي­ماقتان مولىنان تابامىز. يندۋستريا­لاندىرۋدىڭ ەكىنشى بەسجىلدىعىندا 3،5 مىڭعا جۋىق جاڭا جۇمىس ورنى اشىلدى. وسىلايشا، جالپى قۇنى 1،5 ترلن تەڭگە بولاتىن 13 جوبا ىسكە استى. 2010-2014 جىلدارعا ارنالعان ۇدەمەلى يندۋس­تريالىق-يننوۆاسيالىق دامۋ مەم­لەكەتتىك باعدارلاماسىنىڭ يندۋس­تريالاندىرۋ كارتاسى شەڭبەرىندە اتىراۋ وبلىسىندا 2013 جىلى جالپى قۇنى 10،2 ملرد تەڭگەنى جانە 282 جۇمىس ورنىن قۇرايتىن 7 ينۆەستيسيالىق جوبا ىسكە قوسىلعان بولاتىن. سونىڭ ءبىرى – «ەكو-تەحنيكس» جشس-نىڭ مۇناي قالدىعىن قايتا وڭدەۋ بويىنشا ءوندىرىستى جاڭعىرتۋ جوباسى. بۇل جوبانىڭ قۇنى 508 ملن تەڭگەنى قۇرادى. وسى قارجىنىڭ ەسەبىنەن، قۋاتى 10 مىڭ توننا بولاتىن مۇناي شلا­مى وڭدەلىپ، ءبىرقاتار جاڭا جۇمىس ورنى اشىلدى. 
«ەكو-تەحنيكس» كومپانياسى اتالعان جوبانى ىسكە اسىرۋ بارىسىندا قال­دىقتاردى باسقارۋدىڭ جۇيەسىن جەتىلدىرىپ، قىزمەت كورسەتۋدىڭ جاڭا تاسىلدەرىن ەنگىزدى. ەكولوگيالىق ءقاۋىپسىز تەحنو­لوگيالاردى جولعا قويىپ، جاڭا جۇمىس ورىندارىن اشۋ جانە قورشاعان ورتانى لاستاۋدى بولدىرماۋ سەكىلدى ماسەلەلەر­ءدىڭ شەشىمىن تاپتى. وسىلايشا، كومپانيا ءوز كەزەگىندە ەلىمىزدىڭ ورنىقتى دامۋىن قامتاماسىز ەتۋدىڭ ماڭىزدى قۇرالى – «جاسىل ەكونوميكانى» جانداندىرۋعا كۇش سالدى.

بيىلعى جىلدىڭ باسىندا اتىراۋ وبلىسى جىلىوي اۋدانىنىڭ قۇلسارى قالاسىندا ينۆەستيسيالىق جوبالاردى جۇزەگە اسىرۋ ماقساتىندا رەسپۋبليكالىق بيۋدجەتتەن كولەمى 96،2 ملن تەڭگەنى قۇرايتىن 3 جوبا قارجىلاندىرىلعان بولاتىن. ۇكىمەت ۇكىلەگەن ءۇش جوبانىڭ ءبىرى – «ەكو-تەحنيكس» جشس-نىڭ 12 مىڭ تەكشە مەتر مۇناي قالدىعىن قايتا وڭدەۋ بويىنشا ءوندىرىستى جاڭعىرتۋ جوباسى بولدى. وسىلايشا، «ەكو-تەحنيكس» ج ش س ءوز جوباسى بويىنشا جۇمىستى جالعاستىرۋ ۇستىندە. 
«ەكو-تەحنيكس» – وتاندىق كومپانيا
«ەكو-تەحنيكس» ج ش س – تولىقتاي وتاندىق كومپانيا. كومپانيا ەنەر­گەتيكا جانە مينەرالدى رەسۋرستار مينيسترلىگىنىڭ تاۋ مۇناي حيميالىق وندىرىستەردى پايدالانۋعا، كەن ورىن­دارىندا تەحنولوگيالىق جۇمىستاردى جۇرگىزۋگە بەرگەن مەملەكەتتىك ليسەن­زياسىنا سايكەس جۇمىس ىستەيدى. بۇگىنگى تاڭدا كومپانيانىڭ جۇمىسى اتىراۋدان بولەك، اقتوبە، ماڭعىستاۋ جانە باتىس قازاقستان وبلىستارىنداعى قالدىق­تار­دى وڭدەۋ سالاسىندا قىزمەت كورسەتەتىن مەكەمە رەتىندە سەرپىندى تۇردە دامىپ كەلەدى. 
كومپانيا، نەگىزىنەن، تاسىمالداۋ، قۇرامىندا مۇناي بار قالدىقتاردى، بۇرعىلاۋ قالدىقتارىن زالالسىزداندىرۋ جانە قالدىقتاردى قايتا پايدالانۋ ارقىلى تازارتۋ، مۇنايدىڭ جەرگە توگى­ءلۋىنىڭ زاردابىن جويىپ، ەكولوگيالىق پروبلەمالاردى شەشۋ سەكىلدى قىزمەتتەردى اتقارادى. بۇدان بولەك، كومپانيا كليەنتتەرىنە قالدىقتاردى زالالسىز­داندىرۋ جانە كادەگە جاراتۋ ماسەلەلەرى بويىنشا كونسالتينگتىك قولداۋ كور­سەتۋدە. مەكەمە ءوز تەحنولوگيالارىن ۇنەمى جەتىلدىرىپ وتىرادى، سول سەكىلدى قال­دىقتاردى زالالسىزداندىرۋ جانە قايتا وندەۋدىڭ قولجەتىمدى تەحنولوگيالارىن قولدانۋ، ەنەرگيانىڭ بالامالى كوزدە­ءرىن پايدالانۋ، لاستانۋدى بولدىرماۋ جانە وندىرىستىك پەن ەكولوگيالىق تاۋەكەلدەر­ءدى ۇنەمى تومەندەتۋ سەكىلدى قىزمەتتەردى ءوز موينىنا العان. اتالعان جۇمىستاردىڭ ءبارى دە حالىقارالىق جانە مەملەكەتتىك ستاندارتتارىنا سايكەس، بەكىتىلگەن تەحنولوگيالىق رەگلامەنت پەن مينيسترلىك نۇسقاۋىنا ساي جۇرگىزىلۋدە. سونداي-اق كومپانيا سانيتارلىق-ەپيدە­ميو­لوگيالىق قىزمەت، مەملەكەتتىك ەكولو­گيالىق ساراپتاما قورىتىندىلارىن دا قاپەرىندە ۇستاۋدا. ودان بولەك، كاسىپ­ورىننىڭ وندىرىستىك قىزمەت پروسەسىندە قورشاعان ورتانى قورعاۋ، ەڭبەكتى قورعاۋ، ساپانى ساقتاۋ جانە قاۋىپسىزدىك سالا­سىنداعى زاڭنامالىق تالاپتاردى دا ورىنداپ كەلەدى. اسىرەسە، قورشاعان ورتا لاستانۋىن بولدىرماۋ – كومپانيانىڭ نەگىزگى تالابى. سول سەبەپتى، وسى باعىتتاعى زالالسىزداندىرۋ جانە قايتا وندەۋ تەحنولوگيالارىن ءاردايىم جەتىلدىرىپ وتىرۋعا باستى نازار اۋدارادى. 
كومپانيانىڭ الەۋەتى جوعارى
«ەكو-تەحنيكس» كومپانياسى بۇگىندە وتاندىق نارىقتا كورسەتىلەتىن قىزمەت­تەرىنىڭ اياسىن ۇنەمى كەڭەيتۋگە اتسالىسۋدا. سوندىقتان دا «ەكو-تەحنيكس» مەكەمەسىن جۇمىستاردىڭ ساپاسىن كوتەرىپ، قال­دىقتاردى باسقارۋ اياسىنداعى كەشەندى قىزمەت كورسەتەتىن الدىڭعى قاتارلى كومپانيا دەۋگە تولىق نەگىز بار. سونداي-اق اتالعان كومپانيا ايماقتاعى ەكو­لوگيالىق ماسەلەلەردىڭ وڭىنان شە­شىلۋىنە جاردەمدەسىپ ايماقتىڭ لايىقتى دامۋىنا ءوز ۇلەسىن قوسۋدا.

«بۇگىندە كومپانيانىڭ جۇمىستار كولەمى دە جوعارى الەۋەتكە يە بولىپ كەلەدى. اتاپ ايتقاندا، وندىرىستىك قىزمەت اياسىندا «ەكو-تەحنيكس» ج ش س «قازمۇنايگاز» ءبو» اق «ەمبىمۇنايگاز» ءوف ءبىرقاتار كەن ورىندارىنىڭ اۋماعىن مازۋتپەن لاستانعان توپىراقتان تازالاۋ جانە تەحنيكالىق رەكۋلتيۆاسيالاۋ بويىنشا جۇمىستار جۇرگىزدى. «سنپس-اقتوبەمۇنايگاز» اق-پەن قامبالاردى تازالاۋ جانە بۇرعىلاۋ شلامىن كادەگە جاراتۋ بويىنشا ۇزاقمەرزىمدى كە­ءلىسىمشارت جاساستى. «اتىراۋ مۇناي وندىرەتىن زاۋىت» جشس-نىڭ سارقىندى سۋلاردى مەحانيكالىق تازالاۋ قون­دىرعىسىنىڭ مەحانيكالىق قوسپالارىن شىعارۋ جانە كادەگە جاراتۋ بويىنشا جۇمىستارىن اتقاردى. سونداي-اق «كاسپيي مۇناي» جشس-نىڭ مازۋتپەن لاستانعان توپىراقتى شىعارۋ، «تەڭىز­شيەۆرويل» جشس-نىڭ مازۋتپەن لاستانعان توپىراقتى ميكروبيولوگيالىق ادىسپەن شىعارۋ جانە كادەگە جاراتۋ بويىنشا جۇمىستارىن جۇرگىزدى. بۇدان بولەك «ەكو-تەحنيكس» ج ش س مۇناي قالدىقتارىن زالالسىزداندىرۋ جانە ىسكە اسىرۋ ءىسى بويىنشا «قازترانسويل» اق بف، «قازاقمىس پەترولەۋم» ج ش س، «ماتەن پەترولەۋم» اق، «ANACO» ج ش س، «منسك سينوپەك قازاقستان» اق-تىڭ اقتاۋ جانە اقتوبە فيليالدارى، «Oil Services Company» ج ش س، «Meerbush» ج ش س، «ابي پەترولەۋم كەپيتال» ج ش س، «اسكەر مۇناي» ج ش س، «كاسپييمۇناي» اق، «قازمۇنايگاز-بۇرعىلاۋ» سبك» ج ش س، «نورس كاسپيان ويل ديەۆەلوپمەنت» ج ش س، «منسك سينوپەك كازاحستان» اق اف، «تانداي پەترولەۋم» ج ش س، «ورداباسى مۇناي گاز» اق فيليالى سەكىلدى ءىرىلى-ۇساقتى كومپانيالارمەن بىرلەسكەن جۇمىس جۇرگىزدى» دەيدى «ەكو-تەحنيكس» جشس-نىڭ ديرەكتورىنىڭ ورىنباسارى ەلەنا قۋاتوۆا.
زالالسىزداندىرۋدىڭ ءۇش ءادىسى
بۇگىندە «ەكو-تەحنيكس» جشس-نىڭ اتىراۋ وبلىسىنىڭ جىلىوي، يندەر اۋداندارىندا، اقتوبە وبلىسىنىڭ مۇ­عالجار اۋدانىندا جانە ماڭعىستاۋ وبلىسىنىڭ مۇنايلى اۋدانىندا قال­دىقتاردى زالالسىزداندىرۋ جانە كادەگە جاراتۋ بويىنشا جەكەمەنشىك الاڭدارى بار. كومپانيادا قالدىقتاردى زالال­سىزداندىرۋ جانە كادەگە جاراتۋ بويىنشا جۇمىستاردى جۇرگىزۋدىڭ تەحنولوگيالىق رەگلامەنتى قالىپتاسقان. ونەركاسىپتىك قاۋىپسىزدىك بويىنشا نورماتيۆتىك تالاپتارعا سايكەس كەلەتىن قىزمەتتەردى كورسەتەتىن جابدىقتار، قالدىقتاردى تيەۋ جانە تاسىمالداۋ ءۇشىن مامانداندىرىلعان اۆتوكولىكتەر جانە ارنايى تەحنيكالار جانە قالدىقتارمەن جۇمىس ىستەۋ سا­لاسىندا ارنايى دايىندىقتان وتكەن تەحنيكالىق باسشىلاردىڭ جانە ما­مانداردىڭ بىلىكتى قۇرامى جاساقتالعان. كومپانيا قالدىقتاردى زالالسىزداندىرۋ جانە كادەگە جاراتۋ بويىنشا تەحنولو­گيالىق پروسەستەر مۇناي شىعارۋ جانە مۇناي ءوندىرۋ قالدىقتارىن زالالسىز­داندىرۋ بويىنشا 3 ادىسپەن جۇمىس ىستەيدى. 

ونىڭ ءبىرىنشىسى – فيزيكالىق-حيميالىق ءادىس. ونەركاسىپتىك قالدىق­تاردى زالالسىزداندىرۋدىڭ بۇل ءادىسى قالدىقتاردى حيميالىق جانە تۇتقىر رەاگەنتتەردى قولدانىپ قاتايتۋ ادىسىمەن زالالسىزداندىرۋعا نەگىزدەلگەن. نەگى­زىنەن، بۇرعىلاۋ قالدىقتارىن (بۇرعىلاۋ شلامى، پايدالانىلعان بۇرعىلاۋ ەرىتىندىسى)، مازۋتپەن لاستانعان توپىراقتى جانە مۇناي شىعاراتىن، مۇناي وندىرەتىن كاسىپورىنداردىڭ تەحنولوگيالىق ناۋالارىن (مۇناي شلامدارىن، اكتاستى شلامداردى رەزەرۆۋارلاردىڭ تۇبىندەگى تۇنبالارى، تازالاۋ قۇرىلىستارىنىڭ تۇنبالارىن جانە ت.ب.) زالاسىزداندىرۋ باعىتىندا قولدانىلادى. زالالسىز­داندىرۋدىڭ بۇل ءتۇرى ۋفا مەملەكەتتىك مۇناي تەحنيكالىق ۋنيۆەرسيتەتىنەن پاتەنتتەلدى. فيزيكالىق-حيميالىق ءادىس­پەن زالالسىزداندىرىلعان قالدىقتار «تەحنوگەندىك ديسپەرسيالىق توپىراقتار» دەپ اتالادى.مۇنداي انتروپوگەندىك قالدىق توپىراقتاردى جول-قۇرىلىس ماتەريالدارى رەتىندە پايدالانۋعا بولادى.
ەكىنشىسى – ميكروبيولوگيالىق ادىسپەن زالالسىزداندىرۋ. بۇل ءادىس ءتۇرى ەكولوگيالىق ءقاۋىپسىز «رودوترين»، «باكويل» جانە «نەفتەدەسترۋكتور-كازبيو» بيوپرەپاراتتارىن قولدانۋ ارقىلى جۇزەگە اسادى. مۇنداي بيوپرە­پاراتتاردىڭ قورشاعان ورتاعا زيان كەلتىرمەيدى، كومىرسۋتەكتى لاستانۋدى 80 پايىزدان 99 پايىزعا دەيىن تازالاي الادى. بيوپرەپاراتتار تابيعي جانە انتروپو­گەندىك ەكوجۇيەلەردە جارامدى، ونىڭ مۇنايدى توتىقتاندىراتىن كومىرسۋتەكتى توتىقتاندىرعىش ميكرواعزالاردىڭ ءبىر توبى رەتىندە تۇسىنۋگە بولادى. ميكرو­اعزالار مۇناي قابىقشاسىنىڭ قالىن­دىعىنا تىكەلەي ءسىڭىپ، مۇنايدىڭ ەرىگىش جانە ەرىمەيتىن كومپونەنتتەرىن ءىرىتىپ جىبەرەدى. قالدىقتاردى زارارسىز­داندىرۋدىڭ بۇل ءتۇرى مۇناي شىعاراتىن، مۇناي وندىرەتىن كاسىپورىنداردىڭ تەح­نولوگيالىق ناۋالارىن (مۇناي شلام­دارىن، اكتاستى شلامداردى رەزەرۆۋار­لاردىڭ تۇبىندەگى تۇنبالارى، تازالاۋ قۇرىلىستارىنىڭ تۇنبالارى)، قۇرامىندا مۇناي بار قالدىقتاردى (مازۋتپەن لاستانعان توپىراق) تازارتۋ ماقساتىندا قولدانىلادى. زالالسىزداندىرىلعان قالدىقتار جەر جابىنىنىڭ ۇستىڭگى جاعىن، قوسىمشا قاباتتاردى جانە بار­لىق تەحنيكالىق ساناتتارداعى اۆتوموبيل جولدارىنىڭ جول توسەمى نەگىزدەرىنىڭ قاباتتارىن ورنالاستىرۋعا جارامدى. 
ال زالالسىزداندىرۋدىڭ ءۇشىنشى ءادىسى تەرميالىق ءادىس دەپ اتالادى. تەرميالىق ءادىس كوبىنە قاتتى-تۇرمىستىق، قۇرامىندا مۇنايى بار رەزەڭكە قالدىقتارىن كادەگە جاراتۋ، پايدالانىلعان ىدىس، وراۋىش ماتەريال، فيلترلەر، پلاستينكالار سەكىلدى زاتتاردى زالالسىزداندىرۋ كەزىندە قولدانىلادى. 
تەرميالىق ادىسپەن زالالسىزدان­دىرىلعان ءونىم «تەرميالىق توپىراق» دەپ اتالىپ، قالدىقتارعا قوساتىن قۇرىلىم­داعىش رەتىندە پايدالانادى. ونى جەر جابىنىنىڭ توپىراعى رەتىندە جانە جولداردى سالۋ كەزىندە بەكىتىلگەن تو­پىراقتان جاسالعان نەگىزدىڭ قاباتى رەتىندە دە قولدانادى. جالپى العاندا، زالالسىزداندىرۋ ناتيجەسىندە الىنعان ونىمدەر اۆتوموبيل جولدارىنىڭ جول جابىنىن توسەۋ، توپىراقتىڭ بۇلىنگەن قۇنارلىعىن رەكۋلتيۆاسيالاۋ، ىشكى كاسىپتىك جولدار ءۇشىن جانە اۋماقتاردى كوگالداندىرۋ كەزىندە قۇرىلىس ماتە­ريالدارى رەتىندە پايدالانىلادى. مۇنداي ونىمدەر سانيتارلىق-ەپيدە­ميولوگيالىق تالاپتارعا، قاۋىپسىزدىك پەن ساپا سالاسىنداعى تالاپتارعا سايكەس كەلگەندىكتەن، ونى قۇرىلىس ماتەريالدارى رەتىندە پايدالانىلۋعا رۇقسات بەرىلگەن.
ال قالدىقتاردى كادەگە جاراتۋ كەزىندە «ەكو-تەحنيكس» ج ش س قاتتى تۇرمىستىق جانە ونەركاسىپتىك، سونىڭ ىشىندە قۇرامىندا مۇناي بار قالدىقتاردى قۇرتۋعا ارنالعان رەسەيلىك «فورساج-2م» قوندىرعىسىن قولدانادى. اتالعان قوندىرعى پايدالانىلعان فيلترلەر، قاتتى-تۇرمىستىق قالدىقتار، مايلى شۇبەرەكتەر جانە جوڭقالار، قاعاز بۇ­يىمدارى، قۇرامىندا مۇناي بار قال­دىقتار، پايدالانىلعان ىدىس جانە وراۋىش ماتەريال، باسقا دا جانعىش ماتەريالداردى اپ-ساتتە جاعىپ جىبەرەدى. 
«ەكو-تەحنيكس» جشس-نىڭ «فورساج-2م» قوندىرعىسىنان باسقا دا وندىرىستىك-تەحنيكالىق بازاسى جەتەرلىك. ق ر «ءقاۋىپتى وندىرىستىك وبەكتىلەردەگى ونەركاسىپتىك قاۋىپسىزدىك تۋرالى» زاڭىنا سايكەس بىرنەشە تەحنيكالىق قۇرىلعىلاردى قول­دانۋعا رۇقسات العان. ولاردىڭ قاتا­رىنا قالدىقتاردى فيزيكالىق-حيميالىق ادىسپەن زالالسىزداندىرۋ جانە كادەگە جاراتۋعا ارنالعان يتاليالىق ءموبيلدى ارالاستىرعىش كەشەندەرى، DOP-160 ءتيپى گيدراۆليكالىق جەتەگى بار «Desmi» بۇرعىلاۋ ەرىتىندىلەرىن، مۇناي شلامدارىن ايداۋ ءۇشىن باتاتىن دانيالىق بۇراندالى سوراپ، رەسەيدە شىعارىلعان ۋمق-1 امبەباپ جانە «سپرۋت-2» (سكيممەر) مۇناي جيناعىش قۇرىلعىلارى، ديزەل-گيدراۆليكالىق ماي سوراپ ستانسالارى، تۇركيالىق «GVP 226» ديزەل-گەنەراتور­لارى جانە قالدىقتاردى كىرىس باقىلاۋدى جۇرگىزۋگە ارنالعان وتاندىق «پالۋان» ەلەكتروندىق اۆتوموبيلدىك تارازىلارى.
كومپانياعا قاراستى اۆتوكولىكتەر «ءقاۋىپتى جۇك» بەلگىسىمەن جانە GPS-ناۆيگاتورلارمەن، اۆتوكولىكتەر ۇشقىن وشىرگىشتەرمەن، ءورت ءسوندىرۋدىڭ العاشقى قۇرالدارىمەن، قالدىقتاردى تيەۋ كەزىندە ءجۇرىپ كەتۋدى بولدىرمايتىن تاباندىق­تارمەن جانە «اۆاريالىق توقتاۋ» بەلگىسىمەن جابدىقتالعان. جۇرگىزۋشى­لەردىڭ بارلىعىنىڭ دا ءقاۋىپتى جۇكتەردى تاسىمالداۋ بويىنشا جەتكىلىكتى جۇمىس تاجىريبەسى بار. كومپانيا قىزمەتكەرلەرى ەڭبەكتى قورعاۋ جانە قاۋىپسىزدىك تەحنيكاسى جانە ءقاۋىپتى جۇكتەردى تاسىمالدايتىن كولىك قۇرالدارىنىڭ جۇرگىزۋشىلەرىن دايارلاۋ بويىنشا سەرتيفيكاتتارعا يە بولعان.
ءتۇيىن
«ەكو-تەحنيكس» ج ش س سونداي-اق ۋفا مەملەكەتتىك مۇناي تەحنيكالىق ۋنيۆەرسيتەتى (ۋممتۋ)، ق ر بعم عىلىم كوميتەتىنىڭ «بيوتەحنولوگيالاردىڭ ۇلتتىق ورتالىعى» رمك «ەكولوگيالىق بيوتەحنولوگيالار» فيليالى، «قازەكوبيوجۇيە» ج ش س سەكىلدى عىلىمي ۇيىمدارمەن سەلبەسە جۇمىس ىستەۋدە. اتالعان عىلىمي مەكەمەلەر ارقىلى قۇرامىندا مۇناي بار جانە مۇنايمەن لاستانعان قالدىقتاردى زالالسىزداندىرۋ جانە كادەگە جاراتۋ بويىنشا وزىندىك تەحنولوگيالار ازىرلەنىپ، پاتەنتتەلگەن. كومپانيا 2009 جىلى ءبىرقاتار حالىقارالىق ستاندارتتارىنا سايكەس مەنەدجمەنتتىڭ ينتەگرالدانعان جۇيەسىن ەنگىزدى. ال 2012 جىلى ەنگىزىلگەن ستاندارتتاردى قايتا سەرتيفيكاتتادى.
بۇگىندە كومپانيا «سامۇرىق-قازىنا» ۇلتتىق ءال-اۋقات قورى» اكسيونەرلىك قوعامىنا قاراستى كومپانيالارعا قىزمەت كورسەتۋدە. وسىلايشا، وتاندىق كومپانيالاردىڭ ەڭبەگىن ەسەلەپ وتىر. بيزنەستەگى الەۋمەتتىك جاۋاپكەرشىلىگى ءۇشىن بىلتىرعى «پارىز» بايقاۋىنىڭ «ەكولوگياعا قوسقان ۇلەسى ءۇشىن» اتالىمىنىڭ جەڭىمپازى اتاعان.

دەرەككوز: ايقىن-اقپارات