اتىراۋ قالاسىندا اۋىر دارەجەدەگى دەنە جاراقاتىن سالدى دەپ ايىتپالعان ايەل 9 جىلعا سوتتالدى. بۇل تۋرالى «قامشى» پورتالى اتىراۋ قالالىق №2 سوتىنىڭ باسپا ءسوز قىزمەتىنە سىلتەمە جاساپ حابارلايدى.

سوت ۇستىندە ايتىلعانداي، ايىپتالۋشى ا.نۇرجانوۆا ءوزىنىڭ ازاماتتىق نەكەدەگى جۇبايى ن.اسلانوۆ جانە تانىستارى د.تۇرسىنوۆ پەن س.ايدوسىنوۆ تورتەۋى ونىڭ ۇيىندە سپيرتتىك ىشىمدىك ءىشىپ وتىرعان. وتىرىس بارىسىندا ن.اسلانوۆ ماس بولىپ ۇيىقتاپ قالادى دا ۇشەۋى ءىشۋدى ءارى قاراي جالعاستىرادى. ءبىر مەزەتتە ا.نۇرجانوۆا مەن د.تۇرسىنوۆ ءوزارا كەرىسىپ، العاشقىسى سوڭعىسىن قولىنا تۇسكەن بالعامەن بىرنەشە مارتە سوعادى. ونىسىمەن دە قويماي، ەسىنەن تانىپ جاتقان ا.تۇرسىنىوۆتىڭ ۇستىنە سەكىرىپ شىعىپ، ۇرىپ- تەبۋىن ودان ءارى جالعاستىرادى. ناتيجەسىندە، جابىرلەنۋشى د.تۇرسىنوۆ «اۋىر» دارەجەدەگى دەنە جاراقاتتارىن العان.

سوتتا سوتتالۋشى ا.نۇرجانوۆا كىناسىن تولىعىمەن مويىنداپ، كەشىرىم سۇراپ، باس بوستاندىعىنان ايىرماۋدى سۇرادى.

سوت ۇكىمىمەن ا نۇرجانوۆا قازاقستان رەسپۋبليكاسى قىلمىستىق كودەكسىنىڭ 106-بابىنىڭ 3-بولىگىندە كوزدەلگەن قىلمىستىق ىس-ارەكەتى ءۇشىن كىنالى دەپ تانىلىپ، 9 جىلعا باس بوستاندىعىنان ايىرىلدى.

ا.نۇرجانوۆانىڭ كامەلەتتىك جاسقا تولماعان 3 بالاسى اتىراۋ وبلىستىق بالالار ءۇيى اكىمشىلىگىنە تاپسىرىلدى.