("جاس الاشتى" وقىعان سوڭ تۋعان ويلار). بۇگىندە وسى سۇراقتى جۇرت ءجيى قويادى. قوياتىن دا ءجونى بار: ويتكەنى، بۇگىنگى زامانىمىزدا جەكە باتىر سىندى "ادىلەتتى تۋ ەتىپ ۇستاعان قازاق زيالىلىعى" مەن وعان شيبورىدەي شۇيلىككەن ونىڭ انتيپودتارى - جاعىمپازدىق، تج، كك (ك.. كىرۋ)، قۇنىعۋ جانە ەكىجۇزدىلىك دەگەندەردىڭ بىرىككەن اسكەرى (قولى) ءبىر بىرىمەن قاراما قارسى كەلىپ، تەكەتىرەسىپ (سوعىسىپ) قالدى... وسى تىرەستە ءازازىل اقشا دەم بەرگەن انتيپودتار جاعى جەڭىس تويىن ءجيى تويلاۋدا. تويلاپ قانا قويماي، ولار ءاربىر توي كەزىندە قازاقتىڭ بۇرىننان كەلە جاتقان اسىل قاسيەتتەرىن بىر-بىرلەپ قۇرباندىققا شالۋدا! الدىمەن ءسىڭىرلى قارا كۇش، تۇراقتى ءسوز يەسى "جىگىتتىك" دەگەن بار ەدى - سول كەتتى! ودان كەيىن "اقساقالدىق" دەگەن تاۋ سياقتى الىبىمىز بار ەدى - موينىنا قىل شىلبىر، اياعىنا شىدەر سالىپ - ونى جىقتى! ... ەندىگى كەزەكتە - ساپ تۇزەپ، مويىن ۇسىنىپ وزگە دە اسىل مىنەزدەر تۇر... "دارمەن" دە، "جىگەر" دە سول قاتاردان كورىنەدى..... ەندى وعان قارسى تۇرار كۇش بار ما؟ بار! «اقتاباننان» امان قالعان قازاق جەكە باتىرلارىن ءالى دە قاۋلاتىپ شىعارا الادى. سەبەبى، "قازاق زيالىلىعىنىڭ" ارتىندا حالىق تۇر، ونىڭ ءتول تاربيەسى تۇر! تاربيە بىلاي دەيدى: - "جىگىت شاعىڭدا قازاق جىگىتىنە ءتان قايرات قىل، ەلىڭنىڭ نامىسىن ءوز نامىسىڭداي كور. جىگىت اعاسى بولعاندا - سوڭىڭا جۇرت ەرەتىندەي بەدەلدى بولۋدىڭ قامىن ويلا! ەلۋگە تايانعاندا - الدىمدا اقساقالدىق كۇتىپ تۇر دەپ ءومىر ءسۇر! الپىستان اسقاندا - ءار سوزىڭە اباي بول! جەتپىسكە جەتكەندە - ءار ءسوزىڭ قازىنا بولسىن! وسىنى جان-تانىمەن سەزىنگەن ادام عانا زيالى بولا الادى! سەكسەنگە كەلىپ، سەلكىلدەپ بيلەپ جۇرسەڭ - ارينە زيالى ەمەسسىڭ!" .....ايتا كەتەلىك، بۇل شارتتىڭ ورىندالۋىنىڭ دا ءوز شارتى بار، ول - "وسىنى تىڭداپ وسەتىن وسكەلەڭ ۇرپاق امان بولسىن!" دەگەن!!!
ءابدءىراشيت باكىر ۇلىنىڭ فەيسبۋك پاراقشاسىنان
پىكىر قالدىرۋ