قازاقستان رەسپۋبليكاسى ءىىم-ى جەدەل كريميناليستيكا دەپارتامەنتىنىڭ باسشىسى قايرات امانقۇلوۆ 136 ميلليون تەڭگە قاراجات جىمقىردى دەپ ايىپتالۋدا. بۇل تۋرالى «قامشى» پورتالى ق ر مەملەكەتتىك قىزمەت ىستەرى جانە جەمقورلىققا قارسى ءىس-قيمىل اگەنتتىگىنە سىلتەمە جاساپ حابارلايدى.
«ءىىم-ى جەدەل كريميناليستيكا دەپارتامەنتىنىڭ باستىعى ق. امانقۇلوۆقا قاتىستى قىلمىستىق ءىس جۇرگىزىلۋدە. ول كريميناليستىك تەحنيكالاردى مەملەكەتتىك ساتىپ الۋلار وتكىزۋ كەزىدە مەملەكەتكە 136 ميلليون تەڭگە شىعىن كەلتىرىپ، قىزمەتتىك جاعدايىن اسىرا پايدالانعان. وعان قاتىستى ءۇي قاماقتا ۇستاۋ بۇلتارتپاۋ شاراسى بەلگىلەندى» دەيدى اگەنتتىك ءتوراعاسىنىڭ ورىنباسارى اليك شپەكبايەۆ.
قايرات امانقۇلوۆ اتالعان لاۋازىمدى 2011 جىلدىڭ ماۋسىمىنان بەرى اتقارىپ كەلەدى.
