جۇڭگو ەلىنىڭ ەكونوميكاسىنىڭ قارىشتاپ دامۋىنا سەبەپكەر بولعان رەفورماتور دەن سياوپين جايلى كىتاپ تۇڭعىش رەت قازاق تىلىندە جارىق كوردى. بۇل تۋرالى «قامشى»  پورتالى 31.kz-كە سىلتەمە جاساپ حابارلايدى.

ەڭبەكتى انا تىلىمىزگە قىتايدىڭ  "ۇلتتار" باسپاسىنىڭ ماماندارى اۋدارعان. الەمگە تانىمال رەفورماتور تۇلعالاردى قازاق تىلىنە اۋدارۋ يدەياسىن بيىل ومىردەن وتكەن جازۋشى ديداحمەت ءاشىمحان ۇسىنعان ەكەن. سەبەبى، كۇنى بۇگىنگە دەيىن تانىمال ساياساتكەرلەر جايلى قازاق وقىرماندارى وزگە تىلدەردەگى ەڭبەكتەردەن وقىپ كەلەدى. جاڭا باسىلىم وسى ولقىلىقتىڭ ورنىن تولتىرۋ ءۇشىن قولعا الىنعان ءىستىڭ العاشقىسى دەيدى ۇيىمداستىرۋشىلار.

– بۇل قازاققا نە بەرەدى؟ بۇگىنگىدەي ەكونوميكالىق، ساياست داعدارىس كەزىندە وسىنداي ۇلى رەفورماتورلاردى وقۋ، ءتۇسىنۋ ارقىلى مەملەكەت العا باسۋعا بولادى، – دەيدى كىتاپتى قۇراستىرۋشىلاردىڭ ءبىرى قانات ءابىلقايىر.