قازاقستاندىق «كۇركە» ءفيلمى الەمدىك دەڭگەيدەگى كينوفەستيۆالدەردىڭ باس جۇلدەسىنە ۇسىنىلدى. بۇل تۋرالى «قامشى» پورتالى «استانا» ارناسىنا سىلتەمە جاساپ حابارلايدى.
«كۇركە» دەپ اتالاتىن ارت-حاۋس جانرىنداعى كوركەم فيلم اۆستراليادا وتەتىن «ازيالىق وسكار» دارەجەسىندەگى ونەر بايقاۋىنىڭ شورت-پاراقشاسىنا ەنگەن.
كارتينا بۇعان دەيىندە تمد، ەۋروپا جانە ازيا ەلدەرىندە بىرنەشە كينوبايقاۋلاردا ۇزدىكتەر قاتارىنان تابىلعان. فيلمگە قازاق جىگىتى ساپار مەن قىرعىز قىزى ايشۇرەك اراسىنداعى عاشىقتىق سەزىم ارقاۋ بولعان. مال باعىپ ءجۇرىپ تانىسقان ەكى جاستىڭ كۇركە ىشىندەگى ءومىرى شەبەر سۋرەتتەلەدى. «كارتينانىڭ تابيعاتى ەرەكشە. فيلم كورەرمەندى ءۇنسىز وتىرىپ كۇلدىرەدى، ءۇنسىز وتىرىپ ويعا باتىرادى»، - دەيدى رەجيسسەر. فيلم قازاقستاندىق كورەرمەن نازارىنا كەلەسى جىلدىڭ باسىندا ۇسىنىلادى.
«بۇل مەن ءۇشىن ۇلكەن دارەجە بولىپ وتىر. ويتكەنى ەڭ العاشقى، دەبيۋتتىك ءفيلمىم. رەجيسەر رەتىندە تىرناقالدى تۋىندىم. ءفيلمىم اۆستراليادا وتەتىن ۇلكەن كينوفەستيۆالگە نومينانت بولىپ، ەندى ەڭ ۇزدىك سەناريي نوميناسياسىندا تۇر. قازاقستاننان وسى فيلم بەكىتىلىپ وتىر. ەندى جيىرماسىنان كەيىن سول اۆسترالياعا جول جۇرگەلى وتىرمىز»، - دەيدى قويۋشى رەجيسسەر كەنجەبەك شايقاقوۆ.
