فرانسيا پرەزيدەنتى فرانسۋا وللاند پاريجدەگى لاڭكەستىك ارەكەتكە بايلانىستى ءۇش كۇندىك قارالى كۇن جاريالادى. بارلىق مەملەكەتتىك ورگاندار مەن قاۋىپسىزدىك قىزمەتتەرىنىڭ جۇمىسى توتەنشە جاعداي رەجيمىنە كوشتى. بۇل تۋرالى «قامشى» پورتالى حابارلايدى.

سونداي-اق، ەل پرەزيدەنتى ف. وللاند بۇل لاڭكەستىك ارەكەتتەردىڭ شەت مەملەكەتتەردە الدىن الا ازىرلەنىپ، جۇزەگە اسقانىن، فرانسيادا ولاردىڭ جاقتاستارى بولعانىن ايتتى.

ەستەرىڭىزگە سالايىق، جۇما كۇنى كەششكە فرانسيا استاناسىندا لاڭكەستەردىڭ ۇيىمداستىرۋىمەن بىرنەشە تەراكت ورىن الدى. اتاپ ايتقاندا، ەل پرەزيدەنتى فرانسۋا ءوللاندتىڭ قاتىسۋىمەن فرانسيا-گەرمانيا فۋتبول كوماندالارىنىڭ جولداستىق كەزدەسۋى ءوتىپ جاتقان «ستاد دە فرانس» ستاديونىنا جاقىن ماڭدا جارىلىستار بولىپ، تاعى ءبىر توپ لاڭكەس «باتاكلان» كونسەرت زالىن بسىپ العان. قالانىڭ ورتالىق كوشەلەرىنىڭ بىرىندە لاڭكەستەر تۇرعىندارعا وق جاۋدىرعان. تەراكتىدەن قازا تاپقاندار سانى 150-دەن اسىپ جىعىلادى. تاعى سونشا ادام جاراقات العان.

لاڭكەستىك ارەكەتتەردى وزدەرىن «يسلام مەملەكەتى» اتايتىن حالىقارالىق لاڭكەستىك ۇيىمى موينىنا الىپ وتىر.